काठमाडौँ / कोरोना विरुद्धको खोप लगाएका नेपालीलाई संयुक्त अरब इमिरेट्स (युएई) ले प्रवेश खुला गरेको छ । आज बिहीबार देखि लागू हुने गरी युएईले प्रवेश खुला गरेको आबुधाबी स्थित नेपाली दूतावासले जनाएको छ ।
युएइको सरकारी निकायमा कार्यरत व्यक्ति, युएईमा कार्यरत स्वास्थ्यकर्मी, युएईका विद्यालय तथा विश्वविद्यालयका शिक्षक, युएईमा उपचार चलिरहेका व्यक्ति, विशेष मानवीय परिस्थिति भएका व्यक्तिले प्रवेश पाउनेछन् । उनीहरूले युएई सरकारको अनुमति भने लिनुपर्नेछ ।
त्यसरी युएई प्रवेश गर्नेका व्यक्तिको हकमा नेपालको विमानस्थलमा र्यापिड टेस्ट हुने, युएईका विमानस्थलमा अवतरण भएपछि पिसिआर परीक्षण हुने, क्वारेन्टिनलगायतका अन्य स्वास्थ्य प्रोटोकलको पालना गर्नुपर्ने दूतावासले जनाएको छ ।
त्यस्तै युएईको भिसा भएका तर खोप नलगाएका व्यक्तिलाई ४८ घण्टाको पसिएर नेगेटिभ रिपोर्ट अनिवार्य गरिएको छ ।
