बिर्तामोड
/ नेपाल पत्रकार महासंघ झापा शाखाका कार्यसमिति सदस्य अनिल वाग्लेले जन्मदिनको
अवसरमा बुधबार पत्रकार सहारा उपचार कोषलाई ११ हजार एक सय ११ रुपैयाँ प्रदान गरेका
छन् ।
झापा
बुद्धशान्ति निवासी वाग्लेले महासंघ झापा शाखाले स्थापना गरेको उपचार कोषका लागि
उक्त रकम जम्मा गरेका हुन् ।
बुधबारे
जेसिज सन् २०२१ अध्यक्ष, प्रेस क्लब बुद्धशान्तिका अध्यक्ष, एभरेष्ट साबुन
उद्योगका सञ्चालक,
पूर्वेली साप्ताहिकका सम्पादक समेत
रहेका वाग्ले डेढ दशकदेखि पत्रकारिता क्षेत्रमा छन् ।
जन्मोत्सवको
अवसरमा झापाली पत्रकारहरूको हितमा योगदान गर्न आफूले रकम प्रदान गरेको उनले बताएका
छन् ।
महासंघ
झापा शाखाले स्थापना गरेको उपचार कोष एक करोड रुपैयाँ पुर्याउने लक्ष्य राखेको छ ।
कोषको व्याजबाट पत्रकारहरू बिरामी तथा दुर्घटनामा घाइते हुँदा उपचार सहयोग प्रदान
गर्दै आएको छ ।
पत्रकार
महासंघ झापाका अध्यक्ष एकराज गिरीका अनुसार कोषमा हाल ४५ लाख रुपैयाँ जम्मा भइसकेको
छ । आफूले
झैं अरुले
पनि जन्मोत्सव, विवाह
उत्सव तथा पितृको स्मृति जस्ता सन्दर्भमा केही रकम योगदान गर्ने हो भने कोषलाई एक
करोड रुपैयाँ बनाउन सहयोग पुग्ने पत्रकार वाग्लेले बताउँछन् ।
महासंघ
झापा शाखाले संघ –
संस्था, सहकारी, बैंक, दाता सबै क्षेत्रलाई एकपटक पत्रकारको
दिगो हितका लागि स्थापना भएको उपचार कोषमा सहयोग गर्न आव्हान गरेको छ ।
