झापा / झापामा खोला तर्ने क्रममा एक जनाको मृत्यु भएको छ । मृत्यु हुनेमा गौरीगन्ज गाउँपालिका ६ खजुरगाछी बस्ने ६५ वर्षीय गंगा सुन्दास रहेका छन् ।
सुन्दासको आज बिहान ८ बजे सोही स्थानमा रहेको गेउरीया खोला तर्ने क्रममा लडेर मृत्यु भएको प्रहरीले जानकारी दिएको छ ।
घटनाको खबर प्राप्त हुन साथ इलाका प्रहरी कार्यालय गौरीगन्जबाट परिचालन गरिएको प्रहरी टोली घटनास्थल पुगेको छ । घटनाबारे अनुसन्धान भइरहेको र थप विवरण आउन बाकी रहेको प्रहरीले जनाएको छ ।
