धनगढी / कैलालीमा सशस्त्र प्रहरी बलका एक जवान मृत अवस्थामा फेला परेका छन् ।
मृत फेला
पर्नेमा डडेल्धुरा भागेश्वर गाउँपालिका वडा नम्बर १ घर भएका ३१
वर्षीय हरिकुमार शाही रहेको जिल्ला प्रहरी कार्यालय कैलालीका प्रहरी नायब
उपरीक्षक प्रतीक विष्टले जानकारी दिएका छन् ।
धनगढी उपमहानगरपालिका वडा नम्बर १ स्थित सशस्त्र प्रहरी बल
नम्बर ३४ हेडक्वाटर कैलालीमा कार्यरत शाहीको कार्यालय परिसरभित्रको
उत्तरपट्टि कम्पाउण्डनजिकै पानी जमेको ठाउँमा बुधबार बिहान पौने ६ बजे मृत फेला परेको थियो ।
घटनाको खबर पाएसँगै जिल्लाबाट परिचालन भएको प्रहरी टोलीले मुचुल्काको काम
पुरा गरी पोष्टमार्टमको लागि सेती प्रादेशिक अस्पतालमा लागेको छ । शाहीको शव घोप्टो
अवस्थामा फेला परेको र अहिले सम्मको अनुसन्धानबाट घटना शंकास्पद नरहेको प्रहरी नायब
उपरीक्षक विष्टले जानकारी दिएका छन् ।
मृत्युपछि कार्यालयमा भवितव्य ज्यान मुद्दामा जाहेरी
प्राप्त भइसकेको र घटनाबारे थप अनुसन्धान भैरहेको विष्टले जानकारी दिएका
छन् ।
