काठमाडौँ / प्रहरीको केन्द्रीय अनुसन्धान ब्यूरो (सिआइवी)ले
बैंकिङ कसूर मुद्दाका एक फरार प्रतिवादीलाई आज पक्राउ गरेको छ ।
पक्राउ पर्नेमा काठमाडौँ बूढानीलकण्ठ निवासी ठाकुरप्रताप
थापा रहेको ब्यूरोका प्रहरी उपरीक्षक श्यामकुमार महतोले जानकारी दिएका छन् ।
फैसला कार्यान्वयन तथा फरार प्रतिवादीको खोजतलासकालागि परिचालन
भएको प्रहरी टोलीले ललितपुरस्थित पाटन उच्च अदालतबाट कसूरदार ठहर भई फरार रहेका
थापालाई पक्राउ गरेको हो ।
पक्राउ परेका उनलाई फैसला कार्यान्वयनकालागि आज काठमाडौँ
जिल्ला अदालतमा हाजिर गराईएको प्रहरीले जनाएको छ ।
आफ्नो खातामा पर्याप्त मौज्दात रकम नभएपछि अभियुक्तले पीडितलाई
झुक्याएर बैंकको चेक दिएकाले उच्च अदालतले ३९ लाख ९६ हजार ४०० जरिवाना तोकी बैंकिङ
कसूरजन्य अपराध गरेको ठहर गरेको थियो ।
