काठमाडौँ / नेपाल कम्युनिष्ट पार्टी (एमाले)ले दार्चुला
जिल्लाको व्यास गाउँपालिका–२ मालघाट घटनाबारे
छानबिन गर्न ‘संसदीय छानबिन समिति’ गठन गर्र्नुपर्ने माग गरेको छ ।
साउन १५ गते दार्चुलाको मालघाटमा महाकाली नदी तर्ने क्रममा
भारतीय एसएसबीले तुइन काटिदिएपछि स्थानीयवासी जयसिंह धामी नदीमा खसेर बेपत्ता भएको
बताइएको छ ।
सङ्घीय संसद्, प्रतिनिधिसभाको
आजको बैठकमा (एमाले) सांसदले घटनाबारे उठेर विरोध जनाएपछि सभामुख अग्निप्रसाद
सापकोटाले (एमाले) सांसद गणेशसिंह ठगुन्नालाई बोल्न समय दिएका थिए ।
एमालेले घटनाबारे भारतसँग औपचारिक विरोध दर्ता गर्नुपर्ने, घटनाका दोषी
भारतीय एसएसबीलाई कारवाही गर्नुपर्ने, मृतकका आफन्तलाई
क्षतिपूर्तिको व्यवस्था गर्नुपर्ने मागसमेत गरेको छ ।
सांसद ठगुन्नाले मृतकका आफन्तले भारतीय प्रहरी चौकीमा किटानी
जाहेरी दिँदासमेत सुनुवाइ नभएको बताउँदै नेपाल सरकारले भने घटनालाई ढाकछोप गर्ने
प्रयास गरिरहेको आरोप लगाएका छन् ।
