काठमाडौँ / पछिल्लो केही दिनयतादेखि पश्चिमी न्यून चापीय प्रणालीको प्रभावले प्रभावित मौसम आजदेखि सुधार हुने भएको छ ।देशभर आज आंशिक बदलीदेखि मौसम सामान्यतया सफा रहने जल तथा मौसम विज्ञान विभागले जनाएको छ । प्रदेश नं १ र बागमती प्रदेशमा आंशिकदेखि सामान्य बदली रही देशका बाँकी भू–भागमा मौसम आंशिक बदलीदेखि सामान्यतया सफा रहनेछ ।सोमबार प्रदेश नं १, मधेस, बागमती, गण्डकी र लुम्बिनी प्रदेशमा आंशिक बदली रही अन्य प्रदेशमा मौसम सामान्यतया सफा रही देशका मध्य तथा पश्चिमी भू–भागका उच्च पहाडी तथा हिमाली भू–भागका केही स्थानमा हल्का हिमपातको सम्भावना रहेको छ ।
झापा / स्कारपियोको ठक्कर बाट बुटवलमा एक जनाको मृत्यु भएको छ ।शनिबार राति करिब १२ बजे पूर्व - पश्चिम राजमार्ग अन्तर्गत बुटवल उपमहानगरपालिका –२ तिनाउ पुलमा पूर्वबाट पश्चिमतर्फ जाँदै गरेको बा १९ च ९१५७ नम्बरको स्कारपियो विपरीत दिशाबाट आउँदै गरेको लु २४ प २७५७ नम्बरको मोटरसाइकललाई ठक्कर दिएको हो ।स्कारपियोको ठक्करबाट मोटरसाइकलका चालक अर्घाखाँचीको सन्धिखर्क नगरपालिका -१ का ३० वर्षीय बासु आचार्यको मृत्यु भएको हो ।ठक्करबाट गम्भीर घाइते आचार्यको उपचारको क्रममा लुम्बिनी प्रादेशिक अस्पतालमा मृत्यु भएको इलाका प्रहरी कार्यालय बुटवलले जनाएको छ ।
झापा / गत बिहीबार र शुक्रबार परेको हिमपातले सिमकोटको हवाई सेवा अवरुद्ध भएको छ । सिमकोटको विमानस्थलमा बाक्लो हिउँ जमेको छ । मौसममा सुधार आएसँगै हिउँ शनिबारदेखि नै पन्छाउन सुरु गरिएको सिमकोट विमानस्थलले जनाएको छ । साढे दुई फिटसम्म हिउँ जमेपछि जिल्लाको एकमात्रै विमानस्थल चार दिनदेखि ठप्प छ ।हिमपातले चार दिनदेखि नेपालगञ्ज र सुर्खेतबाट हवाई सेवाले उडान भर्न नसकेको नागरिक उड्डयन प्राधिकरण सिमकोट शाखा कार्यालय प्रबन्धक मोहन गिरीले जानकारी दिए । विमानस्थलमा दैनिक १५ सम्म उडान हुने बताइएको छ ।
बैतडी / हिमपातका कारण बैतडी–बझाङ जोड्ने जयपृथ्वी राजमार्ग चार दिनदेखि अवरुद्ध भएको छ । सो राजमार्गको खोडपे, दुदिलाखान, ढोल्यामोड र श्रीभावरलगायतका स्थानमा जमेको बाक्लो हिउँ परेपछि यातायातका साधन आवत जावत गर्न रोकिएको थियो । राजमार्ग अवरुद्ध हुँदा काठमाडौँ, धनगढी, महेन्द्रनगर, डडेल्धुरा, बैतडीबाट छुटेका र बझाङबाट बाहिरी जिल्लाका लागि छुटेका यात्रुवाहक तथा मालवाहक सवारीसाधन बीच बाटोमै रोकिएका छन् । यात्रुसमेत अलपत्र परेका छन् ।अवरुद्ध राजमार्ग खुलाउन प्रयास भइरहेको बैतडीका प्रहरी प्रवक्ता प्रहरी निरीक्षक दर्शन खड्काले जानकारी दिए । उनले भने, “दुई जेसिबीको प्रयोग गरी राजमार्ग सञ्चालन ग
बिर्तामोड / प्रहरीले झापाको मेचीनगरबाट लागूऔषध ब्राउनसुगर सहित दुई भारतीय नागरिक लाई पक्राउ गरेको छ ।पक्राउ पर्नेमा भारतको दार्जिलिङस्थित चुनिलाल गाउँका २५ वर्षीय मोहम्मद सुल्तान र २७ वर्षीय रञ्जित गणेश छन् ।उनीहरूलाई १५ ग्राम ब्राउनसुगरसहित शनिबार पक्राउ गरेको जिल्ला प्रहरी कार्यालय झापाका प्रवक्ता प्रहरी नायब उपरीक्षक वसन्त पाठकले जानकारी दिए ।प्रहरी चौकी ज्यामिरगढी र सशस्त्र प्रहरी बल ज्यामिरगढीबाट खटिएको गस्ती टोलीले शङ्का लागेर जाँच गर्दा उनीहरूको साथबाट ती अवैध लागूऔषध बरामद भएको थियो ।पक्राउ परेका उनीहरूलाई इलाका प्रहरी कार्यालय धुलाबारीमा राखेर थप अनुसन्धान भइरहेको प्रहरीले जनाएक
झापा / स्याङजाको बिरुवा गाउँपालिका –३ धोवादीमा शनिबार जिप दुर्घटना हुँदा दुईजनाको मृत्यु भएको छ ।जिल्ला प्रहरी कार्यालय स्याङ्जाका अनुसार जिप दुर्घटनामा परेर सोही वडाका २६ वर्षीय बेलबहादुर थापा र ३२ वर्षीय भेषबहादुर थापाको मृत्यु भएको हो । उनीहरू सवार ग १ ज ५९३९ नं जिप सडकदेखि अन्दाजी ५०० मिटर तल खसेको प्रहरीले जनाएको छ । घटनास्थलमै मृत्यु भएका उनीहरूको शव परीक्षणका लागि जिल्ला अस्पताल स्याङ्जा पठाएको प्रहरीले जनाएको छ ।
झापा / मकवानपुर प्रहरीले ७९८ एम्पुल लागू औषधसहित एकजनालाई पक्राउ गरेको छ ।पक्राउ पर्नेमा बकैया गाउँपालिका ४ छतिवन घर भई हेटौंडा उप-महानगरपालका ११ बस्तीपुरमा डेरा गरी बस्दै आएका २९ वर्षीया नानीमाया खत्री रहेका छन् ।प्रहरीले उनको कोठाबाट लागू औषध २८० एम्पुल डाइजेपाम, २६८ एम्पुल फेनार्गन र २५० एम्पुल नुफिन गरी ७९८ एम्पुल लागू औषध बरामद गरेको छ ।पक्राउ परका उनीमाथि थप अनुसन्धान भइरहेको जिल्ला प्रहरी कार्यालय मकवानपुरका निमित्त प्रवक्ता एवं प्रहरी निरीक्षक देवेन्द्र दासले बताए ।
झापा / पछिल्लो समय आर्थिक कारोबारमा विद्युतीय माध्यमको प्रयोग बढ्दो छ । विद्युतीय भुक्तानी पूर्वाधारमा भएको विकास, कारोबारका लागि गरिएको प्रोत्साहन र सर्वसाधारणको आधुनिक उपकरण प्रयोगमा बढ्दो अभ्यासका कारण यस्ता कारोबारमा उल्लेख्य वृद्धि भएको देखिन्छ ।केन्द्रीय बैंकको सार्वजनिक पछिल्लो तथ्याङ्कानुसार चालु आर्थिक वर्षको गत मङ्सिर महिनामा मात्रै रु ४८ खर्ब ४५ अर्ब भन्दा धेरै रकम विद्युतीय माध्यमबाट कारोबार भएको छ । जसमा आरटिजिए मार्फत मात्रै ३४ खर्ब ७७ अर्ब भन्दा बढीको कारोबार भएको छ । बैंकको विवरणअनुसार गत आवको मङ्सिर महिनामा विद्युतीय कारोबार रु २३ खर्ब ७७ अर्ब भन्दा बढीको थियो । कारोबार तथा भु
काठमाडौं / मोरङ र ललितपुरमा गरी तीनजना व्यवसायीको हत्यामा संलग्न थप दुईजनालाई प्रहरीले पक्राऊ गरेको छ । पक्राउ पर्नेहरुमा सुनसरीको देवानगन्ज ६ का १८ वर्षीय हकिम मन्सुरी र मोरङको रंगेली ३ का ३० वर्षीय महमद सुभाम रहेका छन ।दुवैजना खाडल खनेर शव गाड्न संलग्न भएको प्रहरीले जनाएको छ । उखुबारीमा शव गाड्न सलग्न भएका उनीहरुबारे प्रहरीले बिहिबार पक्राउ परेकाहरुको बयानबाट पत्ता लगाएको थियो ।ललितपुरमा मोहनप्रसाद लिम्बूको २८ मंसिरमा, मोरङमा राजेन्द्रप्रसाद श्रेष्ठको ५ पौषमा र शम्भुनाथ चौधरीको ७ पौषमा एकै समूहले हत्या गरेको थियो । हत्याका मुख्य योजनाकार अनिलकुमार मण्डल सबैभन्दा पहिले पक्राउ परेका थिए
Copyright © 2021 / 2024 / Esoul Media (P) Ltd. / All Rights Reserved.
