बिर्तामोड / झापाको बिर्तामोड नगरपालिका –५ बाट ब्राउन सुगरसहित प्रहरीले दुई जनालाई पक्राउ गरेको छ । पक्राउ पर्नेमा बिर्तामोड नगरपालिका –५ का ४८ वर्षीय डिजेन राजवंशी र पाँचथरको फिदिम नगरपालिका –७ का २२ वर्षीय सुजन गुरुङ रहेका छन् । जिल्ला प्रहरी कार्यालय झापाका प्रहरी नायब उपरीक्षक बसन्त पाठकका अनुसार विशेष सूचनाको आधारमा इलाका प्रहरी कार्यालय अनारमनीबाट खटिएको टोलीले उनीहरूलाई ब्राउनसुगर सहित बुधवार साँझ ७ बजे पक्राउ गरेको हो । उनीहरूको साथबाट १५ ग्राम ब्राउन सुगर, डिजिटल तराजु १ थान र नगद २ लाख ८४ हजार ७५० रुपैयाँ समेत बरामद गरिएको डीएसपी पाठकले बताए । त्यस्तै इलामको
काठमाडौं / ललितपुरको सुनाकोठीमा १५ वर्षीया किशोरीलाई प्रलोभनमा पारेर बलात्कार गरेको आरोपमा एकजना पक्राउ परेका छन् । पक्राउ पर्नेमा ओखलढुंगा चिशंखुगढी गाउँपालिका- ३, दियाले घर भएका २३ वर्षीय मिलन परियार रहेको प्रहरीले जनाएको छ ।प्रहरीका अनुसार ती किशोरीलाई जेठ १४ गते साँझ जबरजस्ती करणी गरेको भन्दै किटानी जाहेरी परेको छ । घटनाबारे जानकारी प्राप्त हुने थाहा हुन साथ प्रहरी वृत्त चापागाउँबाट खटिएको प्रहरीले उनलाई पक्राउ गरि थप अनुसन्धान गरिरहेको ललितपुर प्रहरीले जनाएको छ ।
बिर्तामोड / सहिद स्मारक ‘सी’ डिभिजन लिग च्याम्पियन बनेको झापा फुटबल क्लबका खेलाडी तथा अफिसियललाई झापा गोल्ड कपले नगदसहित सम्मान गर्ने भएको छ ।आज बिहीबार बसेको झापा गोल्ड कपको बैठकले सो निर्णय गरेको हो । गोल्ड कपका अध्यक्ष विनोद बस्नेतका अनुसार क्लबका खेलाडी तथा अफिसियललाई पुरस्कारस्वरूप जनही ११ हजार रुपैयाँ प्रदान गरिनेछ ।जेठ २० गते सम्पन्न ‘सी’ डिभिजन लिगमा झापा फुटबल क्लब च्याम्पियन बन्दै बी डिभिजनमा बढुवा भएको थियो । खेलाडीलाई प्रोत्साहन गर्न झापा गोल्ड कपले पुरस्कृत गर्ने निर्णय गरेको महासचिव गजेन्द्रबहादुर पौडेलले बताए ।एक विशेष कार्यक्रमको आयोजना गरी क्लबका खेलाडी तथा अफिसियल २८ जनालाई ज
बिर्तामोड / झापाको अर्जुनधाराबाट ११ वर्षीया बालिका बलात्कार गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा अर्जुनधारा नगरपालिका –११ बस्ने २८ वर्षीय विपिन राई रहेका छन् । मंगलबार राति मेचीनगर नगरपालिका –१३ चारआलीस्थित झिल जाने बाटोमा बालिकालाई राईले बलात्कार गरेको भन्दै पीडितका परिवारले इलाका प्रहरी कार्यालय धुलाबारीमा जाहेरी दिएका थिए । सोही जाहेरीको आधारमा राईलाई बुधबार इलाका प्रहरी कार्यालय धुलाबारीबाट खटिएको टोलीले पक्राउ गरेको जिल्ला प्रहरी कार्यालय झापाका प्रहरी नायब उपरीक्षक बसन्त पाठकले जानकारी दिए ।
काठमाडौं / त्रिभुवन अन्तर्राष्ट्रिय विमानस्थलबाट शरीरको भित्री वस्त्रमा लुकाएर सुन तस्करी गरेको आरोपमा एकजना पक्राउ परेका छन् ।कतार एयरवेजको उडानमार्फत बिहीबार बिहान ९: ४५ बजे धनुषाका एकजनालाई पक्राउ गरिएको विमानस्थल भन्सार प्रमुख महेश भट्टराईले जानकारी दिएका छन् ।भट्टराईका अनुसार बिहीबार यात्रु चेकजाँच गर्ने क्षेत्रमा शंकास्पद लागेपछि उनको शरीर तथा सामान चेकजाँच गरिएको थियो । त्यतिवेला उनको भित्री वस्त्र शंकास्पद लागेपछि खनतलासी गर्दा फल्स पकेट बनाएर सुन लुकाएको पाइएको थियो ।उनले विष्कुट आकारको सुन ४ वटा गरी जम्मा ४६६।५ ग्राम बरामद भएको थियो । साथै, सिक्री आकारको ५० ग्राम सुन
झापा / प्यूठानमा सात वर्षीया बालिकालाई यौन दुर्व्यवहार गरेको आरोपमा एक जनालाई प्रहरीले पक्राउ गरेको छ । पक्राउ पर्नेमा प्यूठान नगरपालिका– ३ का २५ वर्षीय गोविन्द्र बिक रहेको जिल्ला प्रहरी कार्यालयका प्रहरी निरीक्षक लालबहादुर विकले बताए । पीडितलाई आरोपित बिकले जेठ २३ गते यौन दुर्व्यवहार गरेको भन्दै बालिकाका आफन्तले जेठ २४ गते इलाका प्रहरी कार्यालय बिजुवारमा उजुरी दिएका थिए ।
ताप्लेजुङ / प्रसिद्ध तीर्थस्थल ताप्लेजुङको पाथिभरामा दर्शनार्थीको लागि पोर्टेबल शौचालय निर्माण गरिएको छ ।पाथीभरा क्षेत्र विकास समितिका कार्यकारी निर्देशक मनमणि काफ्लेका अनुसार शौचालय नहुँदा ३ हजार ७ सय ९४ मिटर उचाइँमा रहेको पाथीभरा मन्दिर पुग्ने दर्शनार्थीलाई समस्या हुने गरेकाले पोर्टेबल शौचालय स्थापना गरिएको हो । आवश्यकताअनुसार ठाउँ परिवर्तन गर्न सकिने र शौचालय शौच गर्ने ठाउँ मात्रै सफा गर्दा हुने भएकाले यस्तो शौचालयको निर्माण गरिएको काफ्लेले बताए । मन्दिर परिसर बाहिर हाल तीन शौचालय निर्माण गरिएको छ भने माथिल्लो फेदीदेखि मन्दिरसम्मको अढाई किलोमिटरमा ५ वटा शौचालय जडानको क
सिन्धुपाल्चोक / बुधबार रातिको भारी वर्षाका कारण मेलम्ची नदीमा बनाइएका अस्थायी संरचनामा क्षति पुगेको छ । वर्षाले मेलम्ची नगरपालिका- ११ स्थित ह्युमपाइप जडित फट्टेको पुलमा क्षति पुगेको छ । पुलमा क्षति पुगेसँगै सडक बन्द भएको छ । अहिले मेलम्ची नगरप्रमुख आइतमान तामाङ, वडा नं ११ का अध्यक्ष चन्द्रबहादुर तामाङसहितको टोलीले उक्त क्षेत्रको अनुगमन गरेपछि पुलको मर्मत थालिएको छ ।मेलम्ची नगरपालिका- ७ र ११ जोड्ने फट्टेमा अस्थाई कल्भर्टमा क्षति पुगेसँगै यातायात सेवा अवरुद्ध भएको छ ।
काठमाडौँ / अमेरिकी सेनाको इन्डो प्यासिफिक (प्रशान्त क्षेत्रीय) कमाण्डका कमान्डिङ जनरल चार्ल्सए फ्लिन आज नेपाल आउँदैछन्। चार दिने भ्रमणको लागि नेपाल आउन लागेका फ्लिन अहिले भारत भ्रमणमा छन्।भारतबाट आज अपरान्ह काठमाडौं आइपुग्ने नेपाली सेनाका प्रवक्ता नारायण सिलवालले जानकारी दिए। फ्लिनले शुक्रबार प्रधानमन्त्री एवं रक्षामन्त्री शेरबहादुर देउवासँग भेटवार्ता गर्नेछन् भने शुक्रबार नै उनले प्रधानसेनापति प्रभुराम शर्मासँग जंगी अड्डामा भेटवार्ता गर्नेछन्।त्यसपछि उनले काठमाडौँस्थित अमेरिकी दूतावासले आयोजना गर्ने कार्यक्रममा सहभागी हुनेछन्। उनी शुक्रबार बेलुका नै प्रधानसेनापति शर्माले आयोजनाको
तेह्रथुम / तेह्रथुममा भएको सवारी दुर्घटनामा परी एकजनाको मृत्यु भएको छ । मृत्यु हुनेमा फेदाप गाउपालिका- ५ ईसिबुका २६ वर्षीय रबिन खापुङ रहेको प्रहरीले जनाएको छ । तेह्रथुमको म्याङलुङ नगरपालिका- १ को भित्री सडक खण्डबाट म्याङलुङ तमोर तर्फ जाँदै गरेको प्रदेश १- ०२- ००३ त ४९८ नम्बरको ट्याक्टर आफै अनियन्त्रित भई बाटो देखि अन्दाजी १०० मिटर तल झरी दुर्घटना भएको थियो । घटनाको विषयमा थप अनुसन्धान भइरहेको जिल्ला प्रहरी कार्यालय तेह्रथुमले जनाएको छ ।
Copyright © 2021 / 2026 / Esoul Media (P) Ltd. / All Rights Reserved.
