विराटनगर / मोरङको रंगेली नगरपालिका–३ की २४ वर्षीय अनिता यादवको हत्या अभियोगमा प्रहरीले उनकै देवरलाई पक्राउ गरेको छ ।
यो पनि - रंगेलीमा महिलाको विभत्स हत्या, अनुसन्धानका क्रममा ४ पक्राउ
प्रारम्भिक अनुशन्धानका क्रममा उनको संलग्नता देखिएपछि मृतक अनिताको १९ वर्षिय देवर विनोद यादवलाई पक्राउ गरि अनुशन्धान अघि वढाईएको मोरङ प्रहरीले जनाएको छ । घर झगडाको विषयलाई लिएर बिनोदले अनिताको सोमबार राती आठ बजे हत्या गरेको अनशन्धानका क्रममा खुलेपछि उनलाई पक्राउ गरिएको हो ।
मोरङ प्रहरी प्रमुख सन्तोष खड्काका अनुशार यस्तो छ घटना
मङ्गलबार दिउँसो घरमा देवर भाउजूबीच सामान्य विषयलाई लिएर विवाद भएको थियो । विवादपछि बेलुका साढे सात बजे महिला घरबाट श्रीमान बेचन यादवलाई खोज्न भन्दै घरदेखि उत्तरतर्फ लागेकी थिइन् ।
उनलाई पछ्याउँदै देवर विनोद पनि पछि–पछि लागेका थिए । ‘घरदेखि उत्तर करिब ढेड किलोमिटरमा नहरको ढिलमा पुगेपछि देवर बिनोदले भाउजु अनितलाई ढकालिदिए । भाउजु नहरमा लडिन् र बिनोदले अनिताको घाँटीमा धाँरिलो हतियार दाउ प्रयोग गरि हत्या गरे ।
