झापा / कैलालीमा कोरोना भाइरसविरुद्धको खोप लगाएको केही मिनेटमै एकजनाको मृत्यु भएको छ । आइतबार दिउँसो कैलारी गाउँपालिका –४ को आधारभूत स्वास्थ्य केन्द्रमा कोरोना विरुद्धको भेरोसेल खोपको दोस्रो डोज लगाएका ‘के’ गाउँका ५३ वर्षीय लक्ष्मण डगौराको मृत्यु भएको हो ।वडाध्यक्ष भिखराम चौधरीका अनुसार अहिले स्वास्थ्य कार्यालय कैलालीका प्रतिनिधि, सुरक्षाकर्मी, मृतकका परिवार र जनप्रतिनिधिबीच छलफल भइरहेको छ । मृत्युको कारण भने खुल्न नसकेको उनले बताए ।
काठमाडौँ / विद्यार्थीबाट अतिरिक्त शुल्क असुल्दै आएको काठमाडौं मेडिकल कलेजमा ८ विद्यार्थी सङ्गठनले आइतबार तालाबन्दी गरेका छन् ।नेपाल विद्यार्थी संघ, अखिल क्रान्तिकारी, एकीकृत समाजवादी निकट अनेरास्ववियु, समाजवादी विद्यार्थी युनियन, अखिल क्रान्तिकारी नेत्रविक्रम चन्द्र र मोहन वैद्य अखिल छैठौं र अखिल नेपाल विद्यार्थी युनियन (नेकपा) ले संयुक्त रुपमा तालाबन्दी गरेका हुन् ।काठमाडौं मेडिकल कलेज र नोबेल मेडिकल कलेज विराटनगरका विद्यार्थी मंसिर १९ गतेदेखि अतिरिक्त शुल्कको विरोधमा आन्दोलनमा छन् । उनीहरूको आन्दोलनमा यी विद्यार्थी संगठन सहित एमाले निकट अनेरास्ववियुले पनि ऐक्यवद्धता जनाउँदै आएको छ
भरतपुर / भरतपुर अस्पतालमा कोभिडको जोखिम र संक्रमण बढ्दै गएपछि भरतपुर अस्पतालमा अत्यावश्यक बाहेकका सबै सेवा बन्द गरिएको छ ।भरतपुर अस्पताल प्रशासनले एक सूचना जारी गर्दै आज (आइतबार) देखि लागू हुनेगरि जनरल ओपिडी तथा रुटिन अपरेसन सेवाहरु अनिश्चित समयका लागि बन्द गरेको जनाएको हो ।अस्पतालका सबै विभागमा कार्यरत चिकित्सक, नर्स, स्वास्थ्यकर्मी लगायत कर्मचारी ठूलो सङ्ख्यामा कोरोना संक्रमित भई आइसोलेसनमा रहेकाले अर्को सूचना प्रकाशित नभएसम्मका लागि आकस्मिक शल्यक्रियाबाहेकका अरु सेवा स्थगित गरिएको अस्पताल प्रशासनले जनाएको छ ।
एजेन्सी / न्युजिल्याण्डकी प्रधानमन्त्री जसिन्डा अर्डर्नले कोभिड महामारीका कारण आफ्नो विवाह स्थगित गरेकी छन् । समाचार संस्था रोयटर्सका अनुसार कोभिड नियन्त्रणका लागि देशमा लागू प्रतिबन्धहरूमा थप कडाई गर्दै ४२ वर्षीया जसिन्डाले आजका लागि तय विवाह रोकेकी हुन् । कडा प्रतिबन्धहरूको घोषणा गर्दै उनले भनिन्, ‘अहिलेका लागि मैले आफ्नो विवाह सारेकी छु । र, कोरोनाको अमिक्रोन भेरियन्टको संक्रमणबाट बच्न म सबैलाई आवश्यक सावधानी अपनाउन आग्रह गर्छु ।’ न्युजिल्याण्डमा लागू नयाँ नियमअनुसार विवाहजस्ता समारोहमा कोरोनाविरुद्धको सबै डोज भ्याक्सिन लगाएका व्यक्तिहरूलाई मात्र सहभागी हुन अनुमति छ ।
काठमाडौँ / चीन सरकारले नेपाललाई २० लाख सिरिञ्ज उपलब्ध गराएको छ । अनुदानमा उक्त सिरिञ्ज चीनले उपलब्ध गराएको हो ।उक्त परिमाणको सिरिञ्ज शनिबार नेपाल सरकारलाई हस्तान्तरण गरिएको काठमाडौंस्थित चिनियाँ दूतावासले जनाएको छ ।कोभिड–१९ महामारी विरुद्धको नेपाल सरकारको खोप अभियानमा सघाउन चीन सरकारले २० लाख सिरिञ्ज उपलब्ध गराएको हो ।
झापा / पछिल्लो २४ घण्टामा थप १० हजार २५४ जनामा कोरोना संक्रमण पुष्टि भएको छ। देशभरमा २० हजार १८७ नमुना परीक्षण गर्दा १० हजार दुई सय ५४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार पछिल्लो २४ घण्टामा १६ जना कोरोना सङ्क्रमितले ज्यान गुमाएका छन् । हालसम्म देशमा ११ हजार ६ सय ५१ जना सङ्क्रमितले ज्यान गुमाइसकेका छन् ।यही अवधिमा थप ७०८ जना सङ्क्रमणमुक्त पनि भएका छन् । नेपालमा कूल सङ्क्रमितमध्ये ८ लाख २० हजार २८३ जना सङ्क्रमणमुक्त भइसकेका छन् । देशभर हाल ७२ हजार ८६२ जना सक्रिय सङ्क्रमित रहेका छन् ।मन्त्रालयका अनुसार थ
काठमाडौँ / महानगरीय प्रहरी परिसर काठमाडौंमा कार्यरत ५३ जना प्रहरीलाई कोरोला संक्रमण पुष्टि भएको छ ।विभिन्न चरणमा गरिएको परीक्षणमा हालसम्म ५३ जनालाई संक्रमण पुष्टि भएको परिसर प्रवक्ता प्रहरी उपरीक्षक दिनेशराज मैनालीले बताए ।संक्रमितमध्ये १२ जना नेपाल प्रहरी अस्पतालमा उपचाररत् छन् । होम आइसोलेसनमा ३४ जना, कार्यालयको आइसोलेसनमा ६ जना र कीर्तिपुर आइसोलेसनमा १ जना रहेको मैनालीले बताए ।यस्तै, २० जना थुनुवालाई पनि कोरोला संक्रमण भएको छ। त्यसमध्ये पाँच जना उपचारपछि फर्किएका छन् भने १५ जनाको उपचार भइरहेको छ ।
काठमाडौँ / कोरोनाका कारण तेस्रो लहरमा मृत्यु भएका ३४ मध्ये ४ जनाले मात्रै खोप लगाएको पाइएको स्वास्थ्य तथा जनसंख्या मन्त्रालयले जनाएको छ । मन्त्रालयका सहप्रवक्ता डा समीरकुमार अधिकारीले जनवरी पहिलो साताबाट सुरु भएको तेस्रो लहरमा मृत्यु भएका ३४ मध्ये ४ जनाले मात्रै खोप लगाएको पाइएको बताएका हुन्।‘खोपले बचाउँछ भन्ने कुरा विश्वव्यापी नै प्रमाणित भइसकेको कुरो हो । हाम्रोमा पनि त्यही देखियो,’ अधिकारीले भने, ‘तेस्रो लहर सुरु भएयता मृत्यु भएका ८८ प्रतिशत बढीले खोप नलगाएको पाइयो ।’
काठमाडौं / गायिका आनीछोइङ डोल्मालाई कोरोनाको पछिल्लो भेरिएन्ट ओमिक्रोन संक्रमण पुष्टि भएको छ। सामाजिक सञ्जालमार्फत उनले आफूलदाईओमिक्रोन पुष्टि भएको बताएकी हुन्।हाल उनी होम आइसोलेसनमा बसेकी छन्। तातोपानीको वाफ लिँदै गरेको तस्बिर सेयर गर्दै उनले सबैलाई सतर्कता अपनाउन आग्रहसमेत गरेकी छन्।
झापा / वीरगञ्जस्थित नारायणी अस्पतालमा पर्साका एक जना कोभिड सङ्क्रमितको मृत्यु भएको छ । मृत्यु हुनेमा बाराको महागढीमाई नगरपालिका–६ निवासी ५० वर्षीय पुरुष रहेको अस्पतालले जनाएको छ । सङ्क्रमित पुरुष वीरगञ्जकै एक निजी अस्पतालमा उपचारका लागि पुगेका थिए । कोरोना लहरको तेस्रो लहरसगैँ पर्साको यो पहिलो मृत्युको घटना बनेको छ । सङ्क्रमणको लक्षण देखा परेपछि यही माघ ६ गते गरिएको एन्टिजेन परीक्षण रिपोर्ट पोजेटिभ देखिएको थियो ।कोरोना सङ्क्रमण पुष्टि भएपछि उपचारका लागि निजी अस्पतालले सङ्क्रमितलाई नारायणी अस्पतालमा रेफर गरेको थियो । मधुमेह, कोभिड र निमोनियासहित अस्पताल भर्ना भएका उनको उपचारकै क्रममा मृत्य
Copyright © 2021 / 2026 / Esoul Media (P) Ltd. / All Rights Reserved.
