बाँके— जिल्लाको खजुरा गाउँपालिका–४ मा एक व्यक्ति तलाउमा डुबेर मृत्यु भएको छ । मृत्यु हुनेमा ५१ वर्षीय पोमबहादुर थापा रहेको प्रहरीले जनाएको छ।प्रहरीका अनुसार थापा शनिबार दिउँसो मदिरा सेवनपछि खजुरा गाउँपालिका कार्यालय पछाडि रहेको बाबाकुटी तलाउमा पसेका थिए। पौडी खेलेर तलाउ पार गर्न खोज्दा उनी बीचमै डुबेर बेपत्ता भएको स्थानीयले देखेका थिए।घटना भएको जानकारी पाएपछि इलाका प्रहरी कार्यालय धनौलीबाट प्रहरी निरीक्षक पूर्णबहादुर केसीको नेतृत्वमा ७ सदस्यीय टोली खोजीमा खटिएको थियो। तर शनिबार साँझसम्म फेला नपरेपछि टोली फर्किएको थियो।आइतबार बिहान थापाको शव पानीमा तैरिरहेको अवस्थामा देखिएपछि प्रहरीले निकालेर भ
रौतहट— शनिबार साँझको आकस्मिक मौसम परिवर्तनले रौतहट जिल्लामा दुःखद क्षति पुर्याएको छ। हावाहुरीसहितको अविरल वर्षाका बीच परेको चट्याङले तीन जनाको मृत्यु भएको छ भने सुरक्षाकर्मीको सेवा सञ्चालनमा प्रयोग हुने उपकरणसमेत क्षति पुर्याएको छ।साँझ करिब ६ बजे चट्याङ लागेर कटहरिया नगरपालिका–२ हंथियाहि गाउँका १६ वर्षीय सेराज लहेरी र १६ वर्षीय नवीन यादवको घटनास्थलमै मृत्यु भएको जिल्ला प्रहरी कार्यालयका प्रवक्ता डिएसपी राजु कार्कीले जानकारी दिए । दुवै किशोर घर बाहिर सामान्य रूपमा घुमिरहेका बेला चट्याङ लागेको कार्कीको भनाइ छ ।यसैगरी, ईशनाथ नगरपालिका–८ मनसरी गाउँका ४५ वर्षीय शेख जमरुन (ननक) पनि आफ्नै घरको
राजविराज— पछिल्ला दिनहरूमा परेको अविरल वर्षाका कारण सप्तकोशी नदीमा पानीको बहाव अत्यधिक बढेको छ। आइतबार बिहान ८ बजेको मापन अनुसार नदीमा पानीको बहाव ३ लाख ३५ हजार ३ सय ६९ क्यूसेक पुगेको छ, जुन सामान्य भन्दा तीन गुणा बढी हो।शनिबार साँझदेखि निरन्तर बढिरहेको बहावले जोखिमको संकेत दिँदै शनिबार रातिदेखि नै सप्तकोशी ब्यारेजमा रातो झण्डा र बत्ती बालिएको छ। नियमअनुसार नदीमा बहाव १ लाख ५० हजार क्यूसेक नाघेपछि रातो संकेत दिइने गरिन्छ।सप्तकोशी ब्यारेजका ५६ ढोकामध्ये ५० वटा ढोका अहिले खोलिएका छन्। प्रमुख जिल्ला अधिकारी टुवराज पोखरेलका अनुसार अझै पनि बहाव बढ्ने सम्भावना छ। यद्यपि, उनले तत्काल पुल आवतजावतमा रो
काठमाडौं— पहिरोले पटक पटक अवरुद्ध बन्दै आएको मुग्लिङ–नारायणगढ सडक आज बिहानदेखि दुईतर्फी सञ्चालनमा आएको छ । तुइन खोलाको पहिरो हटाइएसँगै सडक दुईतर्फी सञ्चालनमा आएको सडक डिभिजन भरतपुरले जनाएको हो ।अझैपनि ठाउँ ठाउँमा ससाना पहिरो र ढुङ्गा खस्नेक्रम भने रोकिएको छैन । त्यसैले यात्रामा सावधानी अपनाउन कार्यालयले अनुरोध गरेको छ ।
काठमाडौं— लगातारको वर्षाका कारण पाँचथरका प्रमुख राजमार्ग तथा आन्तरिक सडकहरू अवरुद्ध भएका छन् । जिल्ला प्रहरी कार्यालय पाँचथरका अनुसार जिल्लाभरिमा १२ स्थानमा सडक आवागमन पूर्ण रूपमा बन्द भएको छ ।पहिरोको धेरै प्रभाव मेची राजमार्गमा परेको छ । पाँच स्थानमा पहिरो खसेपछि आवागमन पूर्ण रूपमा अवरुद्ध भएको प्रहरीले जानकारी दिएको छ । फाल्गुनन्द गाउँपालिका– ३ को रमाइलो चोक, पौवा चोक, चिम्फुला, फिदिम नगरपालिका– ३ को चिज फ्याक्ट्री र लालीखर्कमा ठूला पहिरो खसेको छ ।त्यस्तै, तुम्वेवा गाउँपालिका– २ को नावाखोला क्षेत्रमा तमोर करिडोर सडक दुई स्थानमा अवरुद्ध भएको छ । एकातर्फ पहिरो खसेको छ भने अर्को ठाउँमा नदीको पा
काठमाडौं— आईसीसी टी-२० विश्वकपको छनोटको तयारीमा रहेको नेपालले पहिलो वार्मअप म्याचमा ओमानलाई ६ विकेटले पराजित गरेको छ। शनिबार भएको खेलमा ओमानले प्रस्तुत गरेको १११ रनको लक्ष्य नेपालले सहजै पूरा गरेको हो।नेपालले १७ ओभरको समाप्तिमा ४ विकेट गुमाउँदै लक्ष्य भेट्टायो। नेपालको जितमा ओपनर आसिफ शेखले ६१ रनको शानदार अर्धशतकीय इनिङ्स खेले। अन्य ब्याट्सम्यानमध्ये कप्तान रोहित पौडेलले २५ रन, कुशल भुर्तेलले ११ रन र कुशल मल्लले १० रन जोडे।सुरुमा ब्याटिङ गरेको ओमानले निर्धारित २० ओभर खेल्दै ९ विकेटको क्षतिमा ११० रन बनाएको थियो। ओमानलाई सस्तैमा समेट्नका लागि नेपालका बलरहरूले उत्कृष्ट प्रदर्शन गरे। सोमपाल कामी,
काठमाडौं— नारायणगढ(मुग्लिन सडक खण्डको तीन ठाउँमा पहिरो खसेको छ । तुइनखोला, कालीखोला तथा फिस्लिङदेखि उत्तर खण्डमा पहिरो खसेको चितवनका प्रमुख जिल्ला गणेश अर्यालले जानकारी दिए ।उनका अनुसार पहिरोका कारण दुवैतर्फ सडक अवरुद्ध रहेको छ । तीन स्थानमा अहिले पनि पहिरो तथा ढुङ्गा खसिरहेको सीडीओ अर्यालको भनाइ छ । पहिरो गएका स्थानमा बाटो खुलाउने प्रयास भइरहेको उनले बताए। पहिरोको जोखिमका कारण शुक्रबार साँझ ६ बजेदेखि जिल्ला सुरक्षा समितिले नै यस क्षेत्रमा गाडी चलाउन रोकेको थियो ।
काठमाडौं— अविरल वर्षाले काठमाडौं उपत्यकाका खोला किनारका बस्तीहरूलाई जोखिममा पार्न थालेको छ। बागमती नदीको पानीको सतह बढ्दै जाँदा टेकु क्षेत्रमा रहेको सुकुम्बासी बस्तीमा बाढी पस्न थालेको छ।स्थानीय बासिन्दाहरूका अनुसार नदीको पानी बिस्तारै तल्लो बस्तीहरूमा पस्न थालेको छ। 'पानी झन् झन् नजिक आउँदैछ, रातभर निद्रा लागेन,' एक बासिन्दाले बताए। यदि वर्षा अझै निरन्तर भयो भने बस्ती डुबानमा पर्ने स्पष्ट खतरा देखिएको छ।बाढीको डरले त्रस्त बासिन्दाहरू वैकल्पिक सुरक्षित स्थानतर्फ जान चाहन्छन्, तर वैकल्पिक बासस्थान नहुँदा अन्योलमा परेका छन्। स्थानीय प्रशासन तथा विपद् व्यवस्थापन कार्यालयलाई खबर गरिसकिएको जनाइएको
कैलाली— धनगढीबाट पोखराका लागि छुटेको बा२ख१९०७ नम्बरको बस दिउँसो धनगढीको बोराडाँडी सडकखण्डमा दुर्घटना हुँदा एक जनाको मृत्यु भएको छभने अन्य १२ जना घाइते भएका छन् ।धनगढी उपमहानगरपालिका–४ का ६२ वर्षीय गणेशबहादुर शाहीको मृत्यु भएको क्षेत्रीय ट्राफिक प्रहरी कार्यालयका प्रहरी निरीक्षक चक्रबहादुर देउवाले जानकारी दिए । बसमा सवार सबै १२ जना घाइते भएका छन् । उनीहरुमध्ये एक जनाको अवस्था गम्भीर छ । घाइतेहरुको धनगढीका विभिन्न अस्पतालमा उपचार जारी छ ।
काठमाडौं— संघीय मामिला तथा सामान्य प्रशासन मन्त्रालयले जिल्लास्थित कार्यालय प्रमुखहरुलाई १८ गतेसम्म कार्यालयमा पुग्न निर्देशन जारी गरेको छ ।प्रधानमन्त्री तथा मन्त्रिपरिषद्को कार्यालयको निर्देशन भन्दै मन्त्रालयले कार्यालय प्रमुखहरुलाई अनिवार्य रुपमा कार्यालय पुग्न भनेको हो ।दसैं बिदाका क्रममा विभिन्न स्थानमा रहेका कर्मचारीहरुको हकमा यस्तो निर्देशन जारी भएको भए पनि सबै राजमार्ग र सवारी साधन सञ्चालनमा रोक लागेको छ । १७-२० गतेसम्मको विपत्को पूर्व तयारी, सतर्कता र प्रतिकार्यमा जुट्नका लागि यस्तो निर्देशन जारी गरेको हो ।कालीप्रसाद पराजुलीले सम्भव भएकाहरुको हकमा अलर्ट रहन पत्राचार गरेको प्रतिक्रिया
Copyright © 2021 / 2026 / Esoul Media (P) Ltd. / All Rights Reserved.
