झापा / पर्सामा मानव बेचबिखन तथा ओसारपसारमा संलग्न रहेको अभियोगमा रामेछाप मन्थली नगरपालिका- १४ घर भएका ४२ वर्षीय बाबु घिसिङलाई सोमबार प्रहरीले पक्राउ गरेको छ । वीरगञ्ज महानगरपालिका- १६ बाट भारततर्फ जान लागेका घिसिङ र २२ वर्षीय युवतीलाई प्रहरीले माइती नेपालका कर्मचारीको उपस्थितिमा नियन्त्रणमा लिएको थियो । थप अनुसन्धानको क्रममा घिसिङले युवतीलाई भारतको कलकत्तास्थित अस्पतालमा मासिक ६० हजार रुपैयाँको काम लगाइदिने प्रलोभन देखाई काठमाडौंमा असार २७ गते भेटी सोही दिन वीरगञ्ज बसपार्क ल्याएको र प्रहरीको बोर्डर चेकपोष्टमा ‘बाराको अमलेखगञ्ज घर हो र भारतको रक्सौलमा कपडा खरिद गर्न जान लागेको’ भन्नु
बिर्तामोड / झापाको भद्रपुर नगरपालिका- ५ का १८ वर्षीय मोहम्मद प्यारे मोबाइल चोरीको आरोपमा पक्राउ परेका छन् भने उनको साथबाट पेस्तोलमा लाग्ने ८० राउन्ड गोली समेत बरामद भएको छ । गत असार २४ गते राती पुरानो भद्रपुरमा राजु अग्रवालले सञ्चालन गर्दै आएको प्रियङ्का मोबाइल पसलबाट पसल भित्र रहेका बिभिन्न कम्पनीका मोबाइल २९ थान, घडी २ थान र नगद रु ६१५०० गरी जम्मा रु ५ लाख अठार हजार दुई सय मूल्य बराबरको चोरी भनी जानकारी पाए लगत्तै चोरीमा संग्लग्न ब्यक्तिको खोजतलासमा खटिएको प्रहरी टोलीले प्यारेलाई २८ गते राती पक्राउ गरेको हो । पक्राउ परेका ब्यक्तिलाई सोधपुछ र अनुसन्धान गर्ने क्रममा चोरी भएका
झापा / पर्साको वीरगन्ज महानगरपालिका- १६ रजतजयन्ती चोकबाट स्रोत नखुलेको नगद २० लाख रुपैयाँ सहित २ जनालाई मंगलबार राति प्रहरीले पक्राउ गरेको छ । पक्राउ पर्नेहरूमा भारतको बिहार मोतिहारी रक्सौल बस्ने २८ वर्षीय संजित कुमार र २४ वर्षीय अनुराग मिश्र रहेका छन् । बिआरओएसयु ३५०० नम्बरको मोटरसाइकलमा सवार उनीहरूलाई प्रहरी चौकी इनर्वाबाट खटिएको प्रहरीले जाँच गर्ने क्रममा उक्त नगद सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
झापा / मकवानपुरमा १४ वर्षीया बालिकामाथि यौन दुर्व्यवहार गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा कैलाश गाउँपालिका वडा नं ९ का वडाध्यक्ष भुवन सिंह घलान रहेका छन् । पीडित बालिकाले असार १८ गते आफूमाथि यौन दुर्व्यवहार गरेको भन्दै वडा अध्यक्ष घलान विरुद्ध पीडितले असार २३ गते जिल्ला प्रहरी कार्यालयमा उजुरी दिएकी थिइन् ।जिल्ला प्रहरी कार्यालयका प्रमुख प्रहरी एसपी सुरेन्द्र बहादुर गुरुङका अनुसार असार २८ गते दिउँसो हेटौँडा बजारबाट आरोपित वडा अध्यक्ष घलानलाई प्रहरीले गिरफ्तार गरेको थियो ।राष्ट्रपति रनिङ शिल्ड विद्यालय खेलकुद अन्तर्गत जिल्लास्तरीय प्रतियोगितामा
बिर्तामोड / १ नम्बर प्रदेश प्रहरी कार्यालय विराटनगरको अनुसन्धान समुह आर आइ टि बाट खटिएको प्रहरी टोलीले सवारी ज्यान मुद्दाका १ जना फरार प्रतिवादीलाई पक्राउ गरेको छ । पक्राउ पर्नेमा विराटनगर महानगरपालिका- ४ का २२ वर्षीय नवीन माझी रहेका छन् । सुनसरी जिल्ला अदालतको फैसला आदेशले १ वर्ष ११ महिना ८ दिन कैद र २१ हजार ३ सय ३३ तेत्तीस रुपैयाँ ३३ पैसा जरिवाना भई कैद तथा जरिवाना असुल गर्न बाँकी रहेको र गाँउ घरमा नै लुकिछिपी बसेको अवस्थामा पक्राउ गरेको हो । पक्राउ परेका माझीलाई कैद तथा जरिवाना भुक्तानको लागि मोरङ जिल्ला कारागार पठाइएको छ ।
बिर्तामोड / सुनसरीको रामधुनी नगरपालिका- २ स्थित पूर्व पश्चिम राजमार्गमा मोटरसाइकलको ठक्करबाट १ जनाको मृत्यु भएको छ । मृत्यु हुनेमा स्थानीय ६० वर्षीया रुकमी सरदार रहेको प्रहरीले जनाएको छ । मंगलबार राती सवा १० बजे प्रदेश १-०२-०४२ प ३७१३ नम्बरको मोटरसाइकलले बाटो काट्दै गरेको अवस्थामा सरदारलाई ठक्कर दिदा घाईते भएकी सरदारको न्युरो अस्पताल विराटनगरमा उपचारको क्रममा मृत्यु भएको हो । ठक्कर दिने मोटरसाइकल र चालक रामधुनी- ९ सुनसरीका अमन चौधरीलाई इलाका प्रहरी कार्यालय पकलीले नियन्त्रणमा लिएर थप अनुसन्धान गरिरहेको प्रहरीले जनाएको छ ।
बिर्तामोड / झापाको मेचीनगर नगरपालिका- ६ स्थितबाट अवैध रुपमा भन्सार छली गरी भारत बाट नेपाल तर्फ ल्याउँदै गरेको सामान प्रहरीले बरामद गरेको छ । हिजो जिल्ला प्रहरी कार्यालय झापा र इलाका प्रहरी कार्यालय काँकरभिट्टाबाट खटिएको प्रहरी टोलीले चेक जाँचको क्रममा पकवान तेल ४२ कार्टुन र झ्याल ढोकामा प्रयोग हुने ह्यान्डिल ४८ थान सहित अन्दाजी १ लाख ६१ हजार मूल्य बराबरको सामान बरामद गरेको हो । बरामद गरिएका उक्त सामग्रीहरू आवश्यक कारवाहीको लागि मेची भन्सार कार्यालयमा बुझाइएको प्रहरीले जनाएको छ ।
बिर्तामोड / मोरङको रंगेली नगरपालिका- २ स्थित खोलामा डुबी १ जनाको मृत्यु भएको छ । मंगलबार दिउँसो रंगेली- २ का २५ वर्षीय भीम राई घर नजिकै रहेको कट खोलामा घुँगी टिप्न भनी गएकोमा पानीमा डुबी मृत अवस्थामा फेला परेका थिए । मृतक राईको शव पोस्टमार्टमको लागि रंगेली अस्पताल पठाएको र घटना सम्बन्धमा थप अनुसन्धान भइरहेको इलाका प्रहरी कार्यालय रङ्गेलीले जनाएको छ ।
बिर्तामोड / आज बिहान देशभर आंशिकदेखि सामान्य बदली रहेको छ। जल तथा मौसम विज्ञान विभागका अनुसार वाग्मती प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशका थोरै स्थानमा हल्कादेखि मध्यम वर्षा भइरहेको छ।आज दिउँसो देशका प्रदेश–१ र वाग्मती प्रदेशको पहाडी भू–भागलगायत गण्डकी प्रदेश, लुम्बिनी प्रदेश र कर्णाली प्रदेशका केही स्थानमा र बाँकी भू–भागका थोरै स्थानमा मेघ गर्जनचट्याङसहित हल्कादेखि मध्यम वर्षाको सम्भावना रहेको छ। आजराति देशभर आंशिकदेखि सामान्य बदली रहनेछ। देशका पहाडी भू–भागका केही स्थानमा र बाँकी भू–भागका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना रह
बिर्तामोड / मोरङको पथरी शनिश्चरे नगरपालिका- १ स्थितबाट लागूऔषध ब्राउन सुगर सहित १ जनालाई प्रहरीले पक्राउ गरेको छ । मंगलबार राती साढे ९ बजे पथरी शनिश्चरे- १ का ३६ वर्षीय बिर बहादुर थापाले घरमा ब्राउन सुगर बिक्री गरिरहेको भन्ने विशेष सूचनाको आधारमा इलाका प्रहरी कार्यालय पथरीबाट खटिएको प्रहरी टोलीले थापाले कोठामा लुकाई राखेको २ ग्राम ४५ मिलिग्राम ब्राउन सुगर बरामद गरेको हो । प्रतिबन्धित लागूऔषध ब्राउन सुगर सहित पक्राउ परेका थापाको इलाका प्रहरी कार्यालय पथरीबाट थप अनुसन्धान भइरहेको छ ।
Copyright © 2021 / 2026 / Esoul Media (P) Ltd. / All Rights Reserved.
