काठमाडौं— काठमाडौं जिल्ला प्रहरी परिसरको टोलीले ठगीसम्बन्धी गम्भीर मुद्दामा फरार रहेका केदार कार्कीलाई पक्राउ गरेको छ। कार्कीमाथि विभिन्न ठगी मुद्दामा संलग्न रहेको आरोप लागेपछि पक्राउ गरेको हो ।उनले २ करोड ७० लाख ८६ हजार रुपैयाँभन्दा बढी बिगो तथा जरिवाना भुक्तान गर्नुपर्ने फैसला भइसकेको जिल्ला प्रहरी परिसरका एसपी अपिलराज बोहराले जानकारी दिए ।कार्की तारकेश्वर नगरपालिका–५ गोल्डुङ्गामा बसोबास गर्दै आएका थिए। उनलाई जिल्ला काठमांडौं, काठमाडौं महानगरपालिका–३ का रमेश कुमार कार्कीको जाहेरीका आधारमा पक्राउ गरिएको हो। जाहेरीअनुसार उनले एक करोड २५ लाख रुपैयाँ ठगी गरेका थिए।जिल्ला प्रहरी परिसर काठमाडौंका
काठमाडौं— सरकारका प्रवक्ता एवम् सञ्चार तथा सूचना प्रविधिमन्त्री पृथ्वीसुब्बा गुरुङले प्रधानमन्त्री केपी ओली सहभागी स्पेनको कार्यक्रममा गएर नफर्किएकाहरूको विषयमा सरकारले अनुसन्धान गरिरहेको बताएका छन् । सिंहदरबारमा बुधबार सञ्चारकर्मीहरूसँग कुराकानी गर्दै मन्त्री गुरुङले संयुक्त राष्ट्रसंघको कार्यक्रममा सहभागी हुन स्पेन गएका केही व्यक्ति सरकारी सूचीबाहिरबाट गएको र उनीहरू नफर्किएको विषयमा अनुसन्धान भइरहेको जानकारी दिए ।प्रधानमन्त्रीसँग स्पेन भ्रमणमा गएका केही व्यक्तिहरू उतै बस्न लागेको भन्ने आरोपलाई असत्य ठहराउँदै उनले भने, 'प्रधानमन्त्रीसँग गएको र मान्छे छोडेर आएको कुरा बत्तिसै आना गलत हो ।'
ललितपुर— प्रहरीले मोरङ जिल्ला पथ्री बस्ने दीपक लिम्बूलाई कर्तव्य गरी फरार रहेका शनिश्चरे नगरपालिका–१० का दोर्जे भन्ने मेन दोर्जे तामाङलाई पक्राउ गरेको छ ।विसं २०७६ चैत ९ गते कर्तव्य गरी फरार रहेका दोर्जेलाई ललितपुर महानगरपालिका–२२ बुंगमतीबाट मंगलबार पक्राउ गरी आजै मोरङ पठाइएको ललितपुर जिल्ला प्रहरी कार्यालयका प्रवक्ता एवं प्रहरी उपरीक्षक चक्रराज जोशीले जानकारी दिए ।विगत छ वर्षदेखि फरार भएका तामाङलाई सुराकीको आधारमा निजकी दिदी अनु तामाङको निवासबाट प्रहरी प्रभाग भैँसी पाटीका इञ्चार्ज एवं प्रहरी निरीक्षक शशीधर शर्मा नेतृत्वको टोलीले पक्राउ गरेको थियो ।आफ्नो स्थायी ठेगानासमेत बदली लुकिछिपी बसेको अ
मोरङ — मोरङको मिक्लाजुङ गाउँपालिकामा सहकारीको ऋणसम्बन्धी विवादका क्रममा दुई सहकारी कर्मचारीमाथि जुत्ताको माला लगाएको आरोपमा दुर्गामाया लिम्बु र माया मगरविरुद्ध प्रहरीले पक्राउ पुर्जी जारी गरेको छ।घटनाको अनुसन्धानका क्रममा दुर्गामाया लिम्बुले भिडियो खिचेकी थिइन् भने माया मगरले कर्मचारीलाई जुत्ताको माला लगाएको प्रहरीको प्रारम्भिक विवरणमा उल्लेख छ।पीडित पक्षले दुर्व्यवहार, गालीगलौज र सार्वजनिक अपमानसम्बन्धी उजुरी प्रहरीमा दर्ता गराएको छ। यस घटनालाई गम्भीर रूपमा लिएर आवश्यक कानुनी प्रक्रिया अघि बढाइएको प्रहरीले जनाएको छ।
विराटनगर — मोरङको जहदा गाउँपालिका–४ हटिया टोलबाट पेस्तोल र घरेलु हतियारसहित दुई जना युवक पक्राउ परेका छन्।प्रहरीले बुधबार बिहान करिब ६ बजेतिर दिनेश मण्डलको घरमा खोजतलासी गर्दा भुस राख्ने छाप्रोभित्र लुकाइराखिएको एकथान पेस्तोल फेला पारेको हो।हतियार लुकाएको आरोपमा सोही स्थानका अन्दाजी १९ वर्षीय हरिकुमार महतो र आशिष मण्डललाई पक्राउ गरिएको मोरङ प्रहरीका प्रवक्ता डीएसपी कोपिला चुँडालले जानकारी दिइन्। घटनासँग सम्बन्धित अर्का युवक, २० वर्षीय मुकेशकुमार महतो भने फरार छन्।प्रहरीले घटनास्थलबाट ‘मेड इन जापान’ लेखिएको पेस्तोलसहित एक थान खुकुरी र एक थान मोबाइल फोन बरामद गरेको छ।त्यसैगरी, पक्राउ परेका
दाङ— झन्डै १८ वर्षको उमेरमा कर्तव्य ज्यान मुद्दामा मुछिएर फरार रहेका अर्जुन बुढा मगर भनिने राजाबाबु बुढा मगर पक्राउ परेका छन्।गढवा गाउँपालिका–३, खैरेनी निवासी २७ वर्षीय बुढालाई इलाका प्रहरी कार्यालय गढवाले कुटपिटको विषयमा सोधपुछ गर्ने क्रममा पक्राउ गरेको हो।२०७६ साल माघ २४ गते उच्च अदालत पाटनले उनलाई कर्तव्य ज्यान र चोरी मुद्दामा २० वर्ष १ महिना १५ दिन कैद सजायको फैसला सुनाएको थियो। त्यसयता उनी फरार थिए।प्रहरीका अनुसार उनी कहिले अर्जुन, कहिले चुनु त कहिले राजाबाबु नाम प्रयोग गरेर गाउँघरमै बस्दै आएका थिए। उनले दाङको लमही क्षेत्रमै केही बालकहरूलाई चोरी गर्न लगाउने गरेको पनि अनुसन्धानबाट खुलेको छ
देशको पश्चिम क्षेत्रमा एउटा संगठित समूहले नक्कली नोट छाप्ने, नोट बजारमा पठाउने र लागुऔषध अफिमको कारोबारसमेत गरिरहेको पत्ता लागेको छ।सुर्खेत प्रहरीले दुई दिनको अवधिमा यो समूहका पाँच जना सदस्यलाई पक्राउ गरेको छ। उनीहरूमध्ये एक जना मिडिया हाउस सञ्चालकसमेत रहेका छन्।पक्राउ पर्नेमा जाजरकोट कुशे गाउँपालिका-५ की २२ वर्षीया दिलमाया सिंह ठकुरी, ३३ वर्षीय रामबहादुर सिंह, कुशे घर भई सुर्खेत भेरीगंगा-१२ बस्दै आएका ३५ वर्षीय रामबहादुर वली, सोही ठाउँका ३८ वर्षीय प्रेमबहादुर विक छन्।यसक्रममा प्रहरीले कालीकोट नरहरीनाथ गाउँपालिका-४ घर भई हाल जिल्ला बाँके कोहलपुर नगरपालिका-११ बस्दै आएका ३४ वर्षीय मनबहादुर सहकार
दाङ –बाँकेको कोहलपुरबाट नक्कली नोट र लागूऔषधसहित एक पत्रकार पक्राउ परेका छन्।कोहलपुरबाट सञ्चालित जनगर्जन नेटवर्क प्रालिमा कार्यरत पत्रकार मनबहादुर सहकारीलाई १ हजार दरका ५१ थान नक्कली नोट र १९ किलो अफिमसहित पक्राउ गरिएको इलाका प्रहरी कार्यालय कोहलपुरका प्रमुख डिएसपी लक्ष्मी खनालले जानकारी दिइन्।प्रहरीका अनुसार सहकारीलाई उनको कार्यलयबाटै पक्राउ गरिएको हो। अहिले उनलाई हिरासतमा राखेर थप अनुसन्धान भइरहेको छ।यस घटनाले पत्रकारिताको आडमा गैरकानुनी गतिविधि भइरहेको गम्भीर आशंका समेत जन्माएको छ।
काठमाडौँ – राष्ट्रिय प्रजातन्त्र पार्टी (राप्रपा)का प्रवक्ता एवं सांसद ज्ञानेन्द्र शाहीले सामान्य प्रशासन मन्त्री राजकुमार गुप्तालाई तत्काल पक्राउ गर्न माग गरेका छन्।प्रतिनिधि सभाको बैठकमा सम्बोधन गर्दै सांसद शाहीले देश भ्रष्टाचारले ग्रस्त भएको भन्दै गुप्ताविरुद्ध कडा कारबाहीको माग गरेका हुन्। उनले भने, “देश आज भ्रष्टाचारीको देश भनेर चिनिन थालेको छ। मन्त्री गुप्ताले राजीनामा दिएर मात्रै घुस प्रकरणको टुंगो लगाउन खोज्नु लज्जास्पद हो।”शाहीले मन्त्रीको अडियो टेप प्रकरणलाई सार्वजनिक अपराधको संज्ञा दिँदै प्रश्न गरे, “अख्तियारजस्ता संवैधानिक निकाय के गर्दै छन्? खुलमखुल्ला मन्त्रीको संलग्नतामा भ्रष्टा
काठमाडौं— संघीय मामिला तथा सामान्य प्रशासनमन्त्री राजकुमार गुप्ताले राजीनामा दिएका छन्। भूमि आयोग कास्कीको अध्यक्ष नियुक्ति र कर्मचारी सरुवाका लागि भएको भनिएको लाखौं रुपैयाँको घुस ‘डिल’ अडिओ सार्वजनिक भएपछि गुप्ता विवादमा तानिएका थिए।प्रधानमन्त्री केपी शर्मा ओलीले बालुवाटारमा बोलाएर सोधपुछ गर्दै राजीनामा दिन निर्देशन दिएपछि मन्त्री गुप्ता राजीनामा लिएर प्रधानमन्त्री निवास पुगेका हुन्।अडियोको फरेन्सिक परीक्षणका लागि अनुसन्धान अघि बढाइएको छ भने निष्पक्ष छानबिनका लागि अख्तियार र अन्य नियामक निकायलाई पत्राचार गरिने प्रधानमन्त्रीनिकट स्रोतले जनाएको छ।यस घटनापछि मन्त्री गुप्ताको बर्खास्ती र अनुसन्धा
Copyright © 2021 / 2026 / Esoul Media (P) Ltd. / All Rights Reserved.
