बाजुरा / प्रसिद्ध धार्मिक स्थल बडीमालिकामा जनैपूर्णिमा मेलाका अवसरमा सञ्चालन गरिएको स्वास्थ्य शिविरबाट एक हजारभन्दा बढी तीर्थयात्री लाभान्वित भएका छन्।
त्रिवेणी नगरपालिकाले भदौ ५ देखि १२ गतेसम्म सञ्चालन गरेको शिविरमार्फत बडीमालिका, नाटेश्वरी र त्रिवेणी क्षेत्रमा गरी १ हजार १६९ जनालाई प्राथमिक स्वास्थ्य सेवा प्रदान गरिएको हो। शिविरमा ज्वरो, रुघाखोकी, लेक लाग्ने समस्या लगायतका बिरामीको उपचार गरिएको स्वास्थ्यकर्मीहरूले बताएका छन्।
मेलाका क्रममा लेक लागेर बिरामी परेका दुई जनालाई थप उपचारका लागि अस्पताल र हेलिकप्टरमार्फत सुर्खेत पठाइएको थियो। समुद्री सतहबाट करिब ४,२०० मिटर उचाइमा रहेको बडीमालिका धार्मिक आस्था र प्राकृतिक सौन्दर्यका कारण हरेक वर्ष हजारौँ तीर्थयात्री तथा पर्यटकको आकर्षणको केन्द्र बन्दै आएको छ।
पछिल्लो समय यहाँ फोरजी सेवा विस्तार भएसँगै पर्यटकको आगमनसमेत बढ्दै गएको छ।
