काठमाण्डौ । राष्ट्रिय स्वतन्त्र पार्टी (रास्वपा) का सभापति रवि लामिछानेले नक्खु कारागारबाट देशबासीलाई सम्बोधन गर्दै तत्कालीन घटनाक्रमलाई ‘इतिहासकै कालो दिन’ को रूपमा व्याख्या गरेका छन् ।
शान्तिपूर्ण आन्दोलनमा सहभागी विद्यार्थीमाथि भएको गोलीप्रयोगप्रति आक्रोश व्यक्त गर्दै उनले सरकारलाई ‘आततायी, क्रुर र भ्रष्ट’ भनेका छन्। लामिछानेले भने, 'स्कुले पोशाक लगाएका निर्दोष बालबालिकालाई सिपालु सिकारीले चरा मारेझैँ ताकि–ताकी गोली हानियो । यो देशको इतिहासकै सबैभन्दा कालो दिन हो ।'
