काठमाडौं— अमेरिकाले इरानको आणविक केन्द्रहरूमा बम विस्फोट गरेको केही घण्टापछि, तेहरानले प्रमुख शहरहरूलाई लक्षित गर्दै इजरायलमाथि बदलाको हमला थालेको छ ।
इजरायली सेनाले इरानी क्षेप्यास्त्रहरूको नयाँ समूह पत्ता लगाएपछि मध्य र उत्तरी इजरायलमा साइरन बजेको छ । इजरायली सेनाले आफ्नो आणविक केन्द्रहरूमा आक्रमण गरेमा इरानले परिणाम भोग्नुपर्ने चेतावनी दिएको थियो। तर इरानले आक्रामक बदला थालेको छ ।
इरानले अब आफ्नो सबैभन्दा उन्नत क्षेप्यास्त्रहरू मध्ये एक, खेयबर–शेकान तैनाथ गरिरहेको छ । इजरायली आक्रमणहरूले इरानी आणविक सुविधाहरू, सैन्य स्थलहरू र आवासीय भवनहरूलाई लक्षित गर्न जारी राखेपछि इरान थप आक्रामक बनेको हो ।
इरानी क्षेप्यास्त्रको नयाँ लहरबाट प्रभाव परेको रिपोर्ट आएपछि इजरायली आपतकालीन उद्दार टिमहरु धेरै स्थानमा तैनाथ गरिएको सीएनएनले जनाएको छ । अमेरिकाले देशको आणविक सुविधाहरूमा आक्रमण गरेको घोषणा गरेपछि इरानले गरेको यो पहिलो आक्रमण हो ।
