काठमाडौं— झापा र सुनसरीको विभिन्न स्थानहरुबाट लागू औषध ब्राउन सुगर सहित प्रहरीले १२ जनालाई पक्राउ गरेको छ । पक्राउ पर्नेहरुमा मनोज कुमार चौधरी,सनम तामाङ, निरज लिम्बु, सन्दिप मगर,आदित्या चौधरी,मनिष चौधरी, बेगराज लिम्बु, सागर राईु बिज्ञान साह, प्रकाश कुमार दाश, रितेश कुमार मण्डल र बिकी साह रहेका छन् ।
२० गते दिउँसो सुनसरीको कोशी गाउँपालिका–१ स्थितबाट लागू औषध नियन्त्रण ब्यूरो बिराटनगर र इलाका प्रहरी कार्यालय लौकही सुनसरीबाट खटिएको प्रहरी टोलिले चेकजाँचको क्रममा ईटहरी उप–महानगरपालिका–१६ का ३४ बर्षीय मनोज कुमार चौधरीलाई २७ ग्राम २७ मिलिग्राम र ईटहरी–६ का २३ बर्षीय सनम तामाङलाई २६ ग्राम, ईटहरी–२ का २७ बर्षीय निरज लिम्बु, २२ बर्षीय सन्दिप मगरलाई ३ ग्राम ५६ मिलिग्राम, सुनसरी रामधुनी—९ का १६ बर्षीय आदित्या चौधरीलाई २ ग्राम १ मिलिग्राम, रामधुनीका २६ बर्षीय मनिष चौधरीलाई २ ग्राम ५६ मिलिग्राम, धरान–१७ का २८ बर्षीय बेगराज लिम्बु र ३४ बर्षीय सागर राईलाई ३ ग्राम १३ मिलिग्राम, रानधुनी–५ का २६ बर्षीय बिज्ञान साहलाई ३५ ग्राम ८८ मिलिग्राम ब्राउन सुगरसहित पक्राउ गरेको छ ।
सुनसरी हरिनगर–१ स्थितमा प्रहरी चौकी भुटाहाबाट खटिएको प्रहरी टोलिले सोही स्थानका २०बर्षीय प्रकाश कुमार दाश र २२ बर्षीय रितेश कुमार मण्डललाई प्रतिबन्धित लागु औषधी नाईट्राजेपाम–१२० ट्याब्लेट सहित पक्राउ गरेको छ ।
त्यसैगरी झापाको अस्थायी प्रहरी पोष्ट नयाँ बसपार्क झापाबाट गस्तिमा खटिएको प्रहरी टोलिले बिर्तामोड नगरपालीका–४ का ३२ बर्षीय बिकी साहलाई ३४० मिलिग्राम ब्राउन सुगर सहित पक्राउ गरेको छ । लागू औषध ब्राउन सुगर सहित पक्राउ परेका उनिहरुको थप अनुसन्धान भईरहेको प्रहरीले जनाएको छ ।
