काठमाडौं— आक्रर्षक तलबको प्रलोभनमा बैदेशिक रोजगारको लागि सर्बिया पठाईदिन्छु भनी ठगी गर्ने एक जनालाई प्रहरीले पक्राउ गरेको छ । पक्राउ पर्नेमा भक्तपुर महानगरपालिका वडा नम्बर– ५ का २८ वर्षिय सुरेश माक रहेका छन् ।
सर्बिया पठाइदिने भन्दै लामो समयसम्म झुक्याएर विदेश नपठाई सम्पर्क विहीन भएपछि पीडितहरुले दिएको जाहेरीका आधारमा उनलाई काठमाडौंको बौद्धबाट पक्राउ गरेको काठमाडौं उपत्यका अपराधअनुसन्धान कार्यालय टेकुका प्रहरी उपरीक्षक अंगुर जि.सीले जानकारी दिए । उनले पाँच जनाबाट ३५ लाखमा लिएपछि सम्पर्क विहीन भएका थिए ।
पक्राउ परेका सुरेसलाई थप अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाएको काठमाडौं उपत्यका अपराधअनुसन्धान कार्यालय टेकुले जनाएको छ ।
