काठमाडौं— झापा, मोरङ र उदयपुरबाट आइतबार प्रतिबन्धित लागुऔषध सहित ४ जना प्रहरीले पक्राउ गरेको छ । पक्राउ पर्नेमा देश भारत जिल्ला किसानगन्ज–२ का २३ बर्षीय सलम, मोरङ केराबारी गाउँपालिका–७ का २३ बर्षीय सनम राई, २७ बर्षीय रुपेश तामाङ र उदयपुरको त्रियुगा नगरपालिका–१ खैजनपुरका २२ बर्षीय सन्तोष चौधरी रहेका छन् ।
इलाका प्रहरी कार्यालय झिलझिले झापाबाट खटिएको प्रहरी टोलीले झापा गौरिगञ्ज गाउँपालिका–१ भन्सार चोक स्थितमा भारतबाट नेपालतर्फ आउदै गरेका सलमलाई लागुऔषध ब्राउनसुगर ४ ग्राम ५५ मिलिग्रामसहित पक्राउ गरेको प्रहरीले जनाएकाृ छ।
यसैगरी इलाका प्रहरी कार्यालय रानी मोरङ र लागुऔषध नियन्त्रण ब्यूरो विराटनगरबाट खटिएको प्रहरी टोलीले विराटनगर महानगरपालिका–१५ स्थितबाट २ ग्राम ४७ मिलिग्राम लागुऔषध ब्राउनसुगर सहित सनम राई र रुपेश तामाङलाई पक्राउ गरेको हो ।
जिल्ला प्रहरी कार्यालय उदयपुरबाट खटिएको प्रहरी टोलीले सन्तोष चौधरीलाई प्रतिबन्धित औषधी ७ एम्पुल र २५ ग्राम गाँजासहित पक्राउ गरेको छ।
लागुऔषधसहित पक्राउ परेका उनीहरुलाई थप अनुसन्धान भई रहेको प्रहरीले जनाएको छ ।
