काठमाडौं— महोत्तरीको महोत्तरी गाउँपालिका– ५ गोरिगामामा बस पल्टिँदा १५ जनाभन्दा बढी यात्रु घाइते भएका छन् । ना३ख ८९९७ नं। को यात्रुवाहक बस गति अनियन्त्रित भई खेतमा पल्टिएर दुर्घटना भएको प्रत्यक्षदर्शीले बताए।
दुर्घटनामा घाइतेहरुलाई आवश्यक उपचारको लागि प्रादेशिक अस्पताल जनकपुर तथा अन्य स्थानहरुमा पठाइएको प्रहरीले जनाएको छ । घाइतेहरुको अवस्था खतरामुक्त रहेको जिल्ला प्रहरी कार्यालय महोत्तरीले जनाएको छ। बस पल्टिएपछि चालक र सहचालक फरार छन् । प्रहरीले घटनाबारे थप अनुसन्धान भइरहेको जिल्ला प्रहरी कार्यालय महोत्तरीका प्रवक्ता डिएसपी सन्तलाल प्रसाद जयसवारले बताए ।
