न्यूयोर्क । एलन मस्कको सन्तान यस्तो स्थानमा पुगेका छन्, जहाँ कुनै व्यक्ति कहिल्यै पुग्दैनन् ।
विदेशी नेताहरुसँग भेटघाटदेखि लिएर स्पेसएक्सको कन्ट्रोल रुमसम्म, मस्कका सन्तान प्राविधिक, कारोबार र अब राजनीतिक स्थानमा आफ्नो पिताका साथ नियमित देखिइरहेका छन् ।
अमेरिकी राष्ट्रपति डोनाल्ड ट्रम्पले जबदेखि टेक अर्बपति र टेस्लाका सह–संस्थापकलाई नयाँ सरकारी विभाग डीओजीई(डिपार्टमेन्ट गभर्नमेन्ट एफिशिएन्सी)को नेतृत्व सुम्पेका छन्, तबदेखि मस्कका सन्तान प्रायः देशको राजधानीमा देखिइरहेका छन् ।
मस्कका चार वर्षका छोरा लिटिल एक्स बुधबार ओवल अफिसमा कलरवाला सर्ट र कोट लगाएर रेसोल्यूट डेस्कको कुनामा उभिएका थिए ।
बिहीबार जब मस्क भारतीय प्रधानमन्त्री नरेन्द्र मोदीका साथ प्रविधि र आविस्कारसँग जोडिएका विषयमा चर्चा गरिरहेका थिए, तब लिटिल एक्स र उनका दुई भाई बहिनीहरुले भारतीय प्रधानमन्त्रीका साथ उपहार आदानप्रदान गरे ।
अमेरिकामा ट्रम्प प्रशासनको हिस्सा बन्नुअघि पनि मस्कलाई प्रायः आफ्ना सन्तानका साथ देखिने गरिएको छ ।
यसबाहेक उनलाई सन्तानसहित टर्कीका राष्ट्रपतिका साथ बैठकमा, अशविट्ज कन्सनट्रेसन क्याम्पको एक मेमोरियल सर्विसको समयमा र सन् २०२१ मा मस्कलाई ‘पर्सन अफ द इयर’को उपाधि दिने टाइम म्यागाजिनको समारोहमा पनि देखिएको थियो ।
तर मस्क यति महत्वपूर्ण स्थानमा आफ्नो सन्तानसँग किन जान्छन् ?
अमेरिकन युनिभर्सिटीको पब्लिक कम्युनिकेशनका प्रोफेसर कर्ट बै्रडक भन्छन्, ‘कैयौं सार्वज्निक कार्यक्रममा सन्तानलाई उपस्थित गराउनु एक राजनेताले उठाएको राजनीतिक कदम हो । ताकि ऊ थोरै मिलनसार देखियोस् र जनताको नजरमा ऊ अधिक मानवीय दृष्टिकोण अपनाउन सकोस् ।’
सार्वजनिक स्थानमा सन्तान किन ?
पुनः ब्रैडाकको मान्यता छ कि मस्कले आफ्नो कान्छो छोरालाई ओवल अफिसमा लैजाने निर्णय आफैंमा असामान्य थियो ।
तीस मिनेटको प्रेस ब्रिफिङका समयमा लिटिल एक्स उभिएका थिए । उनी आफ्नो पिताको नक्कल गरेको देखिएका थिए, कहिले ऊ फर्समा बस्थे त कहिले बीच–बीचमा ऊ अमेरिकी राष्ट्रपतितिर हेर्दा मुस्कुराउँथे । एक समयमा यस्तो पनि लाग्यो कि जस्तै उनले क्यामरामा कसैलाई आफ्नो मुख बन्द गर्न भनेका थिए ।
ब्रैडाकका अनुसार मस्कले जानीबुझी नै सन्तानहरुलाई सार्वजनिक कार्यक्रममा उपस्थित गराइरहेका छन् । यो मस्क र ट्रम्प दुवैका लागि फाइदाजनक छ । ‘मलाई लाग्छ कि यसको पछाडि एक रणनीति छ । यसका माध्यमबाट केही विषयमा ध्यान खिच्न र बाँकी विषयबाट ध्यान हटाउने कोशिस भइरहेको छ’, उनी भन्छन् ।
जोन हेबर एक स्ट्राटेजिक कम्युनिकेसन सल्लाहकार हुन् । उनले पाँच राष्ट्रपति चुनावी अभियानमा काम गरेका थिए र हार्वर्डमा पढाउँछन् । उनी मस्कको सन्तानलाई पटक पटक देखिनु र यसको भाइरल मोमेन्ट बनाउनु ट्रम्पका लागि फाइदाजनक छ । ‘ट्रम्पका लागि यसले धेरै भन्दा धेरै अराजकता या हंगामा सिर्जना गर्न मद्दत गर्छ । यसले वास्तवमा उनीप्रति कम ध्यानाकर्षित गर्छ’, हैबर भन्छन् ।
मस्ककी पूर्व प्रेमिका र लिटिल एक्सकी आमा ग्रिम्सले ओवल अफिसमा आफ्नो छोराको उपस्थितिको आलोचना गरेकी छन् ।
उनले सामाजिक सञ्जाल एक्समा लेखेकी छन्, ‘उसलाई यसरी सार्वजनिक रुपमा हुनु हुँदैन । तर, मलाई खुशी छ कि ऊ त्यो समयमा बिनम्र थियो ।’
सन् २०२२ मा ग्रिम्सले वेनिटी फेयरका लागि एक लेख लेखेकी थिइन्, जहाँ उनले आफ्नो छोरा चर्चामा आउनु आफूलाई मननपर्ने उल्लेख गरेकी थिइन् ।
‘परिवारका साथ जे पनि भइरहेको छ, मलाई लाग्छ कि बच्चाहरुलाई यसबाट टाढा राख्नुपर्छ र एक्स त्यही छ । मेरो मतलब यो हो कि मलाई लाग्छ कि वास्तवमा उसलाई आफ्नो उत्तराधिकारी रुपमा हेरिरहेको छ र उसलाई हरेक स्थानमा लिएर गइरहेको छ । एक्स त्यहाँ छ । उसको स्थिति यस्तै छ । तर हो, मलाई थाहा थिएन’, उनले लेखेकी छन् ।
राजनीतिमा आउनु धेरैअघि मस्कले आफ्नो सन्तानहरुलाई सँगै लिएर हिँड्न सुरु गरेका थिए ।
एक दशकअघि जब उनी आफ्नो पहिचान बनाइरहेका थिए र आफ्नो विद्युत्तीय साधन बनाउने कम्पनी टेस्लातिर ध्यान खिच्न उत्सुक थिए, त्यो बेला उनलाई कैयौं कार्यक्रममा देखिनु सामान्य कुरा थियो ।
सन् २०१५ मा जब विश्लेषक र रिपोर्टर सिलिकोन वैलीमा टेस्ला खुल्ने प्रतिक्षा गरिरहेका थिए, त्यो समयमा मस्कका पाँच सन्तान कम्पनीको परिसरमा एकअर्काको पछि भाग्दै, हाँस्दै, चिच्याउँदै गरेको देखिएका थिए ।
त्यहाँ उपस्थित मानिसहरु घण्टौंसम्म प्रतिक्षा गर्न बाध्य थिए, तर मस्कको सन्तानहरुको उपस्थितिले आरामदायक र खुशीले भरिएको माहोल बन्यो ।
यो आम रुपमा कम्पनीको त्यो औपचारिक कार्यक्रमको आयोजना भन्दा फरक थियो, जहाँ कुनै संस्थापकको सन्तानहरु देखिनु आफैमा अनौठो हुन्छ ।
मस्कको तीन अलग–अलग महिला पार्टनरबाट १२ सन्तान छन् । उनले जुन सन्तानहरुलाई सार्वजनिक स्थानमा देखाउँछन्, त्यसमा एक्स, एई, ए–१२ र लिटिल एक्स छन् ।
बिबिसीबाट
