सिलगढी । सिलगढी मेट्रोपोलिटनको भक्तिनगर थाना पुलिसले चोरीको आशंकामा ३० वटा ग्यास सिलिन्डर रहेको पिकअप भ्यानलाई नियन्त्रणमा लिएको छ।
सो क्रममा वाहन चालकलाई समेत पक्राउ गरिएको छ। पक्राउ परेका आरोपीको पहिचान सिक्किम निवासी सुशील शाह रूपमा भएको छ।प्राप्त जानकारी अनुसार, सोमबार गोप्य सूचनाका आधारमा सिलगढीबाट एक पिकअप भ्यानमा राखेर ग्यास सिलिन्डरहरु सिक्किम तर्फ लैजादै गरेको सूचना भक्तिनगर थानालाई जानकारीमा आयो। त्यसपछि भक्तिनगर थाना पुलिसले चेकपोस्ट इलाकामा अभियान चलाएर सालुगढाबाट आउँदै गरेको पिकअप भ्यानलाई नियन्त्रणमा लिएको छ।
पिकअप भ्यानमा ३० वटा ग्यास सिलिन्डर राखिएको थियो। पुलिसले चालकसंग सिलिन्डर सम्बन्धित कागजात माग्दा उनले देखाउन सकेनन्। त्यसपछि पुलिसले चालकलाई पक्राउ गरेको बताइएको छ। ग्यास सिलिन्डर चोरी गरेर सिक्किम लैजाने तयारी गरेको पुलिसले आशंका व्यक्त गरेको छ।
आरोपी चालकलाई मंगलबार जलपाईगढी अदालतमा पेश गरेको छ। पुलिसले उक्त घटनाको जाँच गरिरहेको छ।
