कपिलवस्तु—भाइटीका मनाउन भारतबाट नेपाल फर्किँदै गरेको कार दुर्घटनामा परी दुई जनाको मृत्यु भएको छ। भारतको पन्जाब राज्यबाट बढ्नी नाका हुँदै घर फर्किरहेको पञ्जाब नम्बर पीबी १० जेएन ६१९९ हुण्डाई कार र युपी ४७ टी २७०३ नम्बरको रोडवेज बसबीच ठक्कर खाँदा कपिलवस्तु बाणगङ्गा नगरपालिका-९ बर्दहवाका दिनेश बेल्बासे र गैँडाकोट नगरपालिका-६ का अनिल सापकोटाको निधन भएको हो।
आज बिहान भारतको बलरामपुरस्थित पचपेडवा थानाले प्रेस विज्ञप्तिमार्फत जानकारी दिँदै, दुर्घटनामा बेल्बासेकी पत्नी शारदा बेल्बासे, बाणगङ्गा नगरपालिका-४ जितपुरका टेकबहादुर र उनकी पत्नी धनकला घाइते भएको जनाएको छ।
