काठमाडौं–अबिरल वर्षाका कारण कर्णाली राजमार्ग अवरुद्ध भएपछि प्रहरीले उद्धार गरिरहेको छ । कालिकोट जिल्ला अन्तर्गत शुभकालिका गाउँपालिका १ का गगने खोला र दैखोलामा ठूलो पहिरो जाँदा सडकखण्ड पूर्णरुपमा अबरुद्ध भएको हो । नेपाल प्रहरी अहिले पहिरोको कारण फसेका व्यक्तिहरूको उद्धार गर्न र बाटो खुलाउन सक्रिय रूपमा जुटिरहेको छ । उद्धार कार्यमा प्रहरीको विशेष टोली र स्थानीय स्रोतसाधन प्रयोग गरेर प्रभावित क्षेत्रबाट मानिसहरूको सुरक्षित निकासी र सडक मर्मत कार्य जारी छ ।
