काठमाडौं–रामेछापको दोरम्बा शैलुङ गाउँपालिका–३ लेखर्क स्थित पहरी गाउँमा आएको ठूलो पहिरोका कारण अहिलेसम्म ६ जनाको मृत्यु भइसकेको छ । एकजना घाइते छन् भने चार जना बेपत्ता छन् । अविरल वर्षाका कारण गएराति आएको पहिरोमा ११ जना हराएका थिए । सुरक्षाकर्मी र स्थानीयवासीले उद्धार र खोजी कार्यलाई प्राथमिकतामा राख्दै खटिएका छन् । पहिरोले गाउँपालिकाका पक्की पुल र हिम पाइपहरू पनि बगाएको छ ।
