सुनसरी- सुनसरीको धरान उप-महानगरपालिका-१३ साराङगबाट प्रहरीले ठूलो परिमाणमा गाँजा बरामद गरेको छ ।
बिशेष सुचनाको आधारमा इलाका प्रहरी कार्यालय धरानबाट खटिएको प्रहरी टोलीले आज बिहान ९ बजे ट्रकमा लोड गरेर ल्याउदै गरेको १४ सय २० किलो लागुऔषध गाँजा बरामद गरेको हो ।
धनकुटाबाट धरान तर्फ आउदै गरेको को १ ख ४७३३ नम्बरको ट्रकलाई रोकेर चेकजाँच गर्दा ट्रकमा मुलाको बोरा संगै लोड गरीएको ४४ वटा सेतो बोरामा लुकाई छिपाई ल्याउदै गरेको अवस्थामा उक्त परिमाणको गाँजा बरामद गरेको इलाका प्रहरी कार्यालय धरानले जनाएको छ ।
गाँजा सहित मोरङको सुन्दर हरैचा नगरपलिका-७ गछियाका ३४ बर्षीय राज कुमार दाहाल र धनकुटाको सहिदभुमी गाउँपालिका-७ का ४१ बर्षीय भुपेन्द्र राईलाई पनि नियन्त्रणमा लिएको छ ।
नियन्त्रणमा लिईएको गाँजा, ट्रक र पक्राउ परेका व्यक्तिमाथि इलाका प्रहरी कार्यालय धरानबाट आवश्यक अनुसन्धान भई रहेको छ ।
