काठमाडौं–हमासद्वारा सञ्चालित गाजाको सरकारी मिडिया कार्यालयले शनिबार बिहान गाजा सहरको एउटा विद्यालयमा इजरायलले गरेको आक्रमणमा एक सयभन्दा बढी प्यालेस्टाइनी नागरिकको मृत्यु भएको र दर्जनौँ घाइते भएको जनाएको छ।
अल–ताबाइन विद्यालयले बिहानको प्रार्थना गरिरहेका धेरै विस्थापित मानिसहरूलाई आश्रय दिएको थियो। आक्रमणको बेला विद्यालयमा ठूलो संख्यामा हताहत भएको र इजरायली लडाकु विमानहरूले गाजा सहरको पूर्वमा रहेको विद्यालयमा तीन वटा रकेटसहित बमवारि गरेको बताइएको छ। घाइतेहरूको अवस्था गम्भीर रहेको वाफाले जनाएको छ।
हमासले यस हत्याको निन्दा गर्दै इजरायल र अमेरिकी प्रशासनलाई यस हमलाको लागि पूर्ण रूपमा जिम्मेवार ठहराएको छ।
