काठमाडौँ / आज डडेल्धुरामा बस र जिप ठोक्किएर दुर्घटना भएको छ । कञ्चनपुरको महेन्द्रनगरबाट दार्चुला गइरहेको ना ८ ख २३५७ नम्बरको बस र बैतडी खोड्पेबाट डडेल्धुरा तर्फ आइरहेको म १ ज ११४ नम्बरको जिप एक आपसमा ठोक्किएर दुर्घटना भएको प्रहरीले जनाएको छ । दुर्घटनामा मानवीय क्षति नभएको डडेल्धुरा प्रहरीले जनाएको छ । बसको अगाडिको भाग कुल्चिएको छ । घटनाका बारेमा थप अनुसन्धान भैरहेको प्रहरीले जनाएको छ ।
