एजेन्सी / रुस र युक्रेनबीचको युद्धले विश्वभर खाद्य संकट बढ्दै गएको अवस्था छ । युद्धका कारण गहुँ, मकै, तोरी जस्ता अन्नहरूको सबैभन्दा संकट परेका छन् ।
यसैगरी, विश्व व्यापार संगठनको सम्मेलनमा भारतका खाद्य तथा आपूर्ति मन्त्रालयका अधिकारी एस जगन्नाथले जोखिममा रहेका आफ्ना नागरिकलाई आफूहरूले खाद्यान्न उपलब्ध गराउन सकेको बताएका छन् । उनले भारतमा जोखिममा रहेका नागरिकका लागि कसरी खाद्यान्न उपलब्ध गराइएको छ भन्ने समेत खुलाएका छन् ।
प्रधानमन्त्री करिब कल्याण अन्न योजनाले ८० करोड नागरिक लाभान्वित भइरहेको बताए । भारतले २२ अर्ब डलर खाद्यान्नमा अनुदान दिइरहेको र थप ४५ अर्ब डलर अनुदान रकम सुरु गरेको जनाए । भारतको यो अभ्यासले नागरिकहरूलाई भोको रहन नदिने वातावरण विकास गरेको छ ।
विश्वमा खाद्य उत्पादनमा अगाडि रहेका मुलुकहरूमध्ये भारत पर्दछ । त्यहाँ धान, गहुँ, मकै, दाललगायतका अन्न अत्याधिक उत्पादन हुने गरेको छ ।
