एजेन्सी / दक्षिण अफ्रिकाको बाढी पहिरोमा परेर ४ सय जना मानिसको मृत्यु भएको छ । ठूलो वर्षापछिको बाढी पहिरोमा देशको दक्षिण पूर्वी क्षेत्रका दसौं हजार अलपत्र परेका छन् । बाढीले अस्पताल सडकमा क्षति पुर्याएको छ ।
बाढीको पानीले दक्षिणपूर्वी तटीय सहर डरबानका केही भागहरू डुबानमा परेका हुन् । दक्षिणपूर्वी क्वाजुलु–नाताल (केजेएन) प्रान्तमा आपतकालीन सेवाहरू उच्च सतर्कतामा राखिएको छ । बाढीपछि उद्धार कार्य तीव्र पारिएको जनाइएको छ ।
