काठमाडौँ / बिहार राज्यमा रहको रोहतास जिल्लाको अमियावर गाउँको ६० फिट लामो फलामको पुल चोरी भएको छ ।
आरा नहरमाथि सन् १९७२ मा बनेको उक्त पुल शुक्रबार चारी भएको भारतीय सञ्चार माध्यम हिन्दुस्तान टाइम्सले जनाएको छ । प्रहरीका अनुसार चोरहरूले पिकअप भ्यान, ग्यास कटर, जेसिबी र सवारी साधन लिएर आई पुल काट्न पुल पूरै तीन दिन लगाएका थिए । पुल काटिसके पछि उनीहरु फरार रहेको प्रहरीको भनाई छ ।
भारतीय सञ्चार माध्यम एएनआईका अनुसार चोरहरू सिँचाइ विभागको अधिकृत भन्दै पुल मर्मत गर्न भनेर गएका रहेछन् । सोही क्रममा उनीहरूले उपकरणको सहायताले पूर्ण रूपमा पुल उखलेको राज्य सिँचाइ विभागका जुनियर इन्जिनियर अरशद कमल शम्शीले बताए ।
