काठमाडौँ \ धेरै धन कमाउन र परिवारको सपना सकार गर्न म्यानपावरलाई मोटो रकम तिरेर साउदी पुगेका १२६ नेपाली अलपत्र परेका छन् ।
काठमाडौँ स्थित ग्यालेक्सी ओभरसिज प्रा. ली बाट आज भन्दा करिब ५० दिन अगि साउदी पुगेका नेपाली युवा अलपत्र परेका हुन् । म्यानपावरको सम्झौता अनुसार काम र तलब नपाए पछि उद्धारका लागी म्यानपावर सञ्चालकलाई पटक पटक भने पनि म्यानपावर सञ्चालकले कुनै पनि प्रतिकृया नदिएको पीडित मध्येका एक बिनोद दाहालले बताए । साउदी स्थित इस्टन कन्टक्सन मेनटीनेन्स कम्पनीमा गएका उनीहरू म्यानपावर सञ्चालकको भनाई मात्र सुन्न बाध्य छन् ।
म्यानपावर सञ्चालक हिमहरी अर्याल र रमेश अमगाइन उद्धार गर्न भोलि आउँछ्ु पर्सि आउँछु भनेर ढाटेको पीडितहरू बताउँछन् । १८ दिनदेखि अलपत्र नेपालीहरू क्याप्प नम्बर नम्बर १७ मा २२ र क्याप्प नम्बर १८ जनामा ९२ जना सुख्खा रोटी र पानी खाएर बसेका छन् । पीडितहरूले रियाद स्थित दुतावासलाई आफूहरू समस्यामा परेको र उद्धारका लागी अपिल गरेपनि केही सुनवाई भएको छैन् ।
समस्यामा परेका नेपालीका लागी खोलिएको दुतावास तर समस्यामा पर्दा पनि मुखदशर्क बनेको उनीहरूको आरोप छ ।
