काठमाडौँ(एजेन्सी) दक्षिण अमेरिकी देश चिलीमा ३५ वर्षका वामपन्थी नेता गाब्रिएल बोरिक राष्ट्रपति बन्नेका छन् ।
उनले दक्षिणपन्थी नेता होसे एन्तोनिओ कास्तलाई पराजित गरेर ३५ वर्षकै उमेरमा राष्ट्रपति बनेका हुन्।
आइतबार भएको राष्ट्रपतिको चुनावमा बोरिकले ५६ प्रतिशत मत पाए भने कास्तले ४४ प्रतिशत मत पाएका छन् ।
कास्टले मतदान सम्पन्न भएको डेढ घण्टामै हार मानेका थिए। उनले हार स्वीकार गर्दा आधा मतपेटिका खोल्नै बाँकी थियो।
गणना भएका मतअनुसार भने बोरिकले ५६ र कास्टले ४४ प्रतिशत मत ल्याएका थिए । उम्मेदवारहरू दुवैले फरक फरक धारणासहित चुनावी मैदानमा आफूलाई प्रस्तुत गरेका थिए ।
राष्ट्रपतिमा निर्वाचित भएका बोरिक विद्यार्थी नेता हुन् । उनले सन् २०१९ र २०२० असमानता तथा भ्रष्टाचार विरोधी प्रदर्शनमा समर्थन गरेका थिए।
चिलीमा सरकार विरुद्ध भएको व्यापक प्रदर्शनपछि राष्ट्रपति पदको चुनाव भएको हो । बोरिक राष्ट्रपति नियुक्त भए लगत्तै सबैभन्दा कान्छो उमेरको राष्ट्रपतिको रेकर्ड बनाउने छन्।
