एजेन्सी / चीनले अफगानिस्तानलाई मानवीय सहायता सम्बन्धी सामग्रीको दोस्रो चरण पठाएको छ ।
दोस्रो चरणको सामग्री सोमबार काबुल आइपुगेको त्यहाँका अधिकारीहरूले जानकारी दिएका छन् ।
चिसो मौसमका लागि भन्दै चीनले सोमबार यी सामग्री पठाएको हो । सोमबार काबुलमा आयोजना भएको एक कार्यक्रममा यी सामग्री हस्तान्तरण गरिएको हो ।
अफगानिस्तानका लागि रेलमा ती सामग्री ल्याइएको बताइएको छ । ती सामग्रीहरूमा ७० हजार वटा ब्लाङकेट र ४० हजार वटा डाउन कोट रहेका बताइएको छ ।
चीनले विगतदेखि अफगानिस्तानलाई सहयोग गर्दै आएको छ । यसअघि पनि चीनले खाद्यान्न र लत्ता कपडा सहयोग गरेको थियो ।
अहिले भने जाडो मौसमका लागि जाडो कपडा पठाइएको छ भने केही आधारभूत औषधिहरू पनि त्यहाँ पठाइएको समाचारमा जनाइएको छ ।
अफगानिस्तानका तालिबानहरूले सशस्त्र विद्रोह गरेर त्यहाँको सरकारलाई विस्थापित गरेका थिए । त्यसयता त्यहाँका नागरिकलाई मानवीय सहायताको आवश्यकता परेको बताइएको छ ।
