काठमाडौं// त्रिभुवन अन्तर्राष्ट्रिय विमानस्थलबाट तीन किलोभन्दा बढीको सुनका खजानासहित दुई जनालाई विमानस्थल सुरक्षार्थ तैनाथ प्रहरीले पक्राउ गरेको छ।
कैलालीको बर्दगोरिया गाउँपालिका–१ का ३० वर्षीय बोधराज भण्डारी र धनुषाको जनकपुरधाम उपमहानगरपालिका–२ का ४७ वर्षीय मुरारी राज अधिकारीलाई सुनसहित प्रहरीले पक्राउ गरेको हो।
श्री एयरलाइन्सको उडानमार्फत काठमाडौंबाट विराटनगर जान लागेका उनीहरुको साथबाट ३ किलो ३६० ग्राम तौल भएको सुनका खजाना बरामद भएको प्रहरीले बताएको छ।
बरामद भएको सुनको बजार मूल्य २ करोड २४ लाख ९२ हजार ३९७ रुपैयाँ भएको प्रहरीले जानकारी गराएको छ।
यस विषयमा थप अनुसन्धान भइरहेको प्रहरीले बताएको छ।
