काठमाडौं / कर्णाली प्रदेशका एक मन्त्रीले महिलालाई बलात्कार गरेको भिडियो सार्वजनिक भएको छ ।
कर्णालीका भूमि व्यवस्था, कृषि तथा सहकारीमन्त्री कुर्मराज शाहीले एक महिलालाई बलात्कार गरेको भिडियो सार्वजनिक भएको हो ।
केही दिनअघि पीडित महिला र उनका पति जिल्ला प्रहरी कार्यालय, सुर्खेतमा बलात्कारसम्बन्धी जाहेरी दिन गएका थिए।
‘आफूमाथि बलात्कार भएको भन्दै एक महिला र उनका पति प्रहरी कार्यालयमा आउनुभएको थियो, भिडियो पनि देखाउनुभएको थियो,’ प्रहरीका अनुसन्धान अधिकारीले भने, ‘उहाँहरूले भने अनुसार मुद्दा दर्ता गर्ने हदम्याद कटिसकेकाले कानुन व्यवसायीसँग छलफल गरेर आउन सुझाव दिएर पठाएका हौं।’
प्रहरीको सम्पर्कमा पुगेका पीडितले उक्त भिडियो २०७६ माघ तिरको भएको बताएका छन्। नागरिक दैनिक
