रौतहट// रौतहटबाट भारतीय रुपैयासहित २ जना पक्राउ परेका छन्।
पक्राउ पर्नेमा जिल्ला गौर नगरपालिका-४ टिकुलियाका ३० वर्षीय सुखाडी सहनी र
गरुडा नगरपालिका - १ जयनगरका ३५ वर्षीय अनिल भन्ने बिकास साह रहेका छन्।
सिमा प्रहरी चौकी बंजराबाट खटिएको प्रहरी टोलीले ईशनाथ नगरपालिका वडा -१ लाल बकैयाको बाँध स्थितमा सवारी तथा पैदल यात्रुहरुलाई चेकजाँच गर्ने क्रममा उनीहरुलाई पक्राउ गरेको हो।
भारतबाट नेपाल तर्फ आउंदै गरेको बा ३९ प १६९१ नं.को मोटरसाईकलमा सवार उनिहरुको साथबाट श्रोत नखुलेको भारतीय रुपैयाँ १ लाख
८३ हजार ५ सय बरामद भएको प्रहरीले बताएको छ।
आवश्यक कारवाहीको लागी राजस्व अनुसन्धान कार्यालय बाराको पथलैयामा पठाईएको बताइएको छ।
