काठमाडौँ / राष्ट्रिय
वाणिज्य बैंक लिमिटेडले क्रेडिट कार्ड सेवा शुरु गरेको छ ।
मंगलबार बैंक सञ्चालक समितिका अध्यक्ष रामशरण पुडासैनीले
बैंकका ग्राहक एवं एशियन लाइफ इन्स्योरेन्स कम्पनीका अध्यक्ष दीपककुमार श्रेष्ठलाई
एक कार्यक्रमका बीच क्रेडिट कार्ड हस्तान्तरण गर्दै सेवाको शुभारम्भ गरेकान हुन् ।
अध्यक्ष पुडासैनीले ग्राहकको चाहना अनुसार नयाँ–नयाँ बैंकिङ प्रोडक्टको अनुसन्धान गर्नुपर्ने भन्दै सो सेवाले ग्राहक वर्गको
आर्थिक कारोबारमा सहजता हुने बैंकले विश्वास लिएको बताएका छन् ।
बैंकका प्रमुख कार्यकारी अधिकृत किरणकुमार श्रेष्ठले
क्रेडिट कार्डको शुभारम्भपछि पूर्ण डिजिटल बैंकिङतर्फ बैंक अगाडि बढेको बताएका छन्
। उनका अनुसार नेपाल, भारत र भूटानमा
प्रवाह हुँदै आएको सो सेवा अब बैंकका सबै शाखा कार्यालयबाट माग गर्न सकिनेछ ।
बैंकका उपकार्यकारी अधिकृत देवेशप्रसाद लोहनीले ग्राहकको क्षमताका
आधारमा बैंकले २० हजार रुपैयाँदेखि पाँच लाख रुपैयाँसम्मको क्रेडिट लिमिट
ग्राहकलाई दिन सकिने जानकारी दिएका छन् । उनका अनुसार क्रेडिट कार्डबाट ग्राहकले
दैनिक रकम भुक्तानी, अनलाइन सपिङ, तोकिएको सीमाभित्र रहेर नगद झिक्न सक्नेछन् ।
बैंकले हाल ७७ जिल्लामा २ सय ४७ शाखा कार्यालय, २ सय ९ एटिएम र ९८ शाखारहित बैंकिङ सेवामार्फत सेवा प्रवाह गर्दै आएको छ ।
