बिर्तामोड / तेह्रथुमको एक गाउँपालिकाले उपाध्यक्षको ससुराको मृत्यु हुँदा सार्वजनिक बिदा दिएको छ ।
मेन्छयायेम गाउँपालिकाले उपाध्यक्ष गीता तिम्सिना गौतमका ससुराको मृत्यु हुँदा सार्वजनिक बिदा दिएको हो ।
उपाध्यक्ष गौतमका ससुरा कृष्णप्रसाद गौतमको मृत्युमा गाउँपालिकाले आज (शुक्रबार) सार्वजनिक बिदा दिएको हो ।
गाउँपालिकाका निमित्त प्रमुख प्रशासकीय अधिकृत विष्णुप्रसाद पोखरेलले सूचना जारी गर्दै गाउँपालिकाका स्वास्थ्य संस्थाबाहेक सबै कार्यालय बन्द हुने जनाएका छन् ।
गाउँपालिका अध्यक्ष यादव खापुङले गाउँ कार्यपालिका बैठकबाटै निर्णय गरेर सार्वजनिक बिदा दिएको बताए ।
