काठमाडौँ / भारतमा थप ४२
हजार १५ जना कोरोना भाइरस सङ्क्रमित भएको सङ्घीय स्वास्थ्य तथा परिवार कल्याण
मन्त्रालयले बुधबार जानकारी दिएको छ । भारतमा हाल कुल सङ्क्रमितको सङ्ख्या तीन
करोड १२ लाख १६ हजार भन्दा बढी पुगेको छ ।
भारतमा अहिले कोरोना भाइरस सङ्क्रमित अवस्थामै रहेकाको सङ्ख्या चार लाख ७ हजार १७० रहेको अधिकारीले जनाएका छन् । पछिल्लो एक दिनमा कोरोनाभाइरसका कारण थप ४८९ जनाको मृत्यु भएको छ ।
तर महाराष्ट्र राज्यले कोरोना सङ्क्रमणका कारण
पहिले नै ज्यान गुमाएका तर तथ्याङ्कमा छुटेका व्यक्तिको नाम दिएको हुनाले गत २४
घण्टामा कोरोना सङ्क्रमितको कारण मृत्यु भएकाको संख्या तीन हजार ९९८ भएको मन्त्रालयले बुधबार जानकारी दिएको छ ।
कोरोनाभाइरसबाट मृत्यु
भएकाको कुल सङ्ख्या भारतमा अहिलेसम्म चार लाख १८ हजार ४८० पुगेको पनि सो
मन्त्रालयले जनाएको छ । गत २४ घण्टामा ३६ हजार ९७७ कोरोना मुक्त भएपछि भारतमा तीन
करोड ३ लाख ९० हजार ७१० व्यक्ति कोरोना मुक्त भएका छन्।
