काठमाडौँ / प्रधानमन्त्री केपी शर्मा ओलीले घेराबन्दी र असहयोगका बीच राष्ट्रियता, विकास र समृद्धिका लागि वर्तमान सरकारले
काम गरेको बताएका छन् ।
नयाँ
प्रधानमन्त्री शेरबहादुर देउवाले शपथ लिने तयारी भएका बेला प्रधानमन्त्री ओलीले आज
देशवासीका नाममा सम्बोधन गर्दै सरकारलाई सहयोग नगर्ने, आफ्नै भित्रबाट समेत भएका उपलब्धिको चर्चा
नगर्ने र नकारात्मक टिप्पणी मात्रै गर्ने प्रवृत्तिका बीच सरकारले यस अवधिमा नयाँ
संविधान कार्यान्वयनमा ल्याई सङ्घीयतालाई सुढृढीकरण गर्दै भौतिक पूर्वाधार विका सनिर्माणलाई
तीव्र बनाएको स्पष्ट पारेका छन् ।
सर्वोच्च
अदालतको सोमबारको फैसलाबाट प्रतिनिधिसभा पुनःस्थापन भई नेपाली कांग्रेसका सभापति
शेरबहादुर देउवा नयाँ प्रधानमन्त्रीमा नियुक्त भएका सन्दर्भमा ओलीले सम्बोधन गरेका
हुन्।
उनले कोरोना
महामारी तथा बाढीपहिरोबाट जीवन गुमाएका प्रति श्रद्धाञ्जलि दिँदै सरकारले बिरामी
एवं घाइते सबैको निःशुल्क उपचार गराइरहेको तथा पुनःनिर्माण र अन्य पूर्वाधार तथा
सामाजिक विकासका लागि स्पष्ट योजना र कार्यक्रमसहित अघि बढेको बताएका छन् ।
प्रधानमन्त्री
ओलीले देश कोभिड महामारीबाट आक्रान्त भइरहेका बेला कत्ति पनि समय खर्च नगरेर
एकताका लागि महामारी रोकथाम र राष्ट्रको विकासका काम गर्नुपर्नेमा मुलुकमा असझदारी
र द्वन्द्व सिर्जना गरेर मुलुकलाई असफल बनाउने गम्भीर षड्यन्त्रप्रति सबैको
ध्यानाकर्षण गराएका छन् ।
उनले निराश र
उत्तेजनामा जान आवश्यक नभए पनि सर्वोच्च अदालतको सोमबारको फैसलाको परिणाम र परिणति
देखिँदै जाने विचार व्यक्त गरेका छन् । उनले राष्ट्रिय सार्वभौम सत्ता र देशको
स्वाधीनतालाई सबल बनाउँदै जानुपर्नेमा त्यस्तो हुन नसकी राजनीतिलाई विपरीत
दिशातर्फ लान खोजिएको आरोप लगाउँदै प्रतिनिधिसभाको बाँकी कार्यकाल सफल होस् र
समयमा निर्वाचन होस् भन्ने आफ्नो चाहना रहेको व्यक्त गरेका छन् ।
प्रधानमन्त्री
ओलीले विगतका राजनीतिक दृष्टान्तका आधारमा पात्र र प्रवृत्तिलाई चिन्न गाह्रो
नहुने भएकाले लोकतन्त्र र विधिका शासनमा कुनै दरार नआउने होइन भन्ने प्रश्न उत्पन्न
भएको टिप्पणी गरेका छन् । आफूले लोकतन्त्रका लागि सात दशक व्यतीत
गरेको स्मरण गर्दै उनले राजनीतिक बाहेक अराजनीतिक खालका अनुचित हतकण्डा आफूबाट
कल्पनासमेत हुन नसक्ने स्पष्ट पारेका छन् ।
“मेरो
मनमस्तिष्कमा देशको, सुरक्षा, सार्वभौमसत्ता र स्वाधीनता, विकास, सुशासन, सभ्य समाज, सामाजिक न्यायसहितको समृद्धिबाहेक अर्को
कुनै विषय छैन”, प्रधानमन्त्री ओलीले बताउछन्, ‘नेपाललाई सुन्दर र समृद्ध बनाउन
लोकतान्त्रिक प्रणाली र त्यसअनुसारको इमान्दार अठोट चाहिन्छ, योबाहेक मेरो कुनै व्यक्तिगत स्वार्थ छैन
। म सरकारमा जाँदा वा बाहिरिँदा जनतालाई सर्वाधिकारसम्पन्न ठान्छु तर आज म अदालतको
आदेशबाट बाहिरिएको छु । मेरो लोकतन्त्रप्रतिको निष्ठा र आशा तथा देश र जनता
प्रतिको माया कमजोर हुने छैन ।’
