बिर्तामोड / नेपाली कांग्रेसका सभापति शेरबहादुर देउवाले आज (मंगलबार) साँझ ५ बजे प्रधानमन्त्रीको शपथ लिने भएका छन् ।
सर्वोच्च अदालतले २८ घण्टाभित्र देउवालाई प्रधानमन्त्री नियुक्त गर्न आदेश दिएसँगै राष्ट्रपति कार्यालयले आजै देउवालाई प्रधानमन्त्रीमा नियुक्ति गर्ने र शपथ गराउने तयारी थालेको हो ।
सोमबार सर्वोच्च अदालतले प्रधानमन्त्री केपी शर्मा ओलीले दोस्रो पटक गरेको प्रतिनिधिसभा विघटन बदर गर्नुका साथै देउवालाई मंगलबार साँझ ५ बजेसम्म प्रधानमन्त्रीमा नियुक्त गर्न आदेश दिएको थियो।
पाँचौँपटक प्रधानमन्त्री बन्न लागेका देउवाले आजै मन्त्रिपरिषद् गठन गर्ने तयारी गरेको बताइएको छ ।
