डोटी
/ जोरायल गाउँपालिका–२ बुडर बजार
र सरकारी कार्यालयमा नेपाल टेलिकमले उच्च गतिको तार रहित इनटरनेट सेवा एफटिटिएच
सेवा वितरण सुरु गरेको छ।
टेलिकमले
एउटै केबलबाट उच्च गुणस्तरको टेलिफोन र द्रुत गतिको इन्टरनेट प्रयोगमा ल्याउन
सकिने फाइबर टु द होम (एफटीटीएच) सेवा विस्तार गरेको हो । टेलिफोन सेवाबाट फोन, इन्टरनेट
तथा ल्यान्डलाइन फोन सेवा सञ्चालन गर्न सकिने टेलिकमले जनाएको छ ।
जिल्लाका
प्रमुख व्यापारी केन्द्र पिपल्ला, राजपुर, दिपायल
तथा सिलगढीमा उक्त सेवा वितरण गरिएपछि यहाँका अन्य बजारमा सेवा वितरण गर्न सुरु भएको छ । यसअघि
यो सेवा काठमाडौँमा मात्रै शुरु गएिको थियो ।
नेपाल
टेलिकमले एफटीटीएचअन्तर्गत व्यक्तिगत र कर्पोरेट युजर प्याकेज समेत उपलब्ध
गराइरहेको सूचना अधिकारी चौधरीले जानकारी दिएका
छन् । त्यसअन्तर्गत न्यूनतम
एक वर्षका लागि आठ एमबीपीएसको प्याक जम्मा रु आठ हजार शुल्क लाग्ने छ । हाल
एफटीटीएच प्याकेजअन्तर्गत नयाँ लाइन जडान गर्ने ग्राहकले एक थान वाइफाई राउटर
(सीपीई) र १०० मिटर फाइबर तार निःशुल्क प्राप्त प्रदान गरिने टेलिकम कार्यालयले
जनाएको छ ।
जिल्लामा
यसअघि एडिएसएल र फोरजी सेवा विस्तार गरिँदै आए पनि अबदेखि नौवटै स्थानीय तहमा
एफटिटिएच सेवा सञ्चालन गरिने भएको छ । जिल्लाका नौवटै स्थानीय तहमा यो सेवा
विस्तार गरिएसँगै यहाँका अन्य छिमेकी जिल्ला डडेल्धुरा, बैतडी, अछाम, बझाङ
र बाजुराका सबै स्थानीय तहमा पनि सेवा विस्तार गरिने टेलिकमको योजना छ ।
