काठमाण्डौ / साताको दोस्रो दिन आज
पनि शेयर बजार परिसूचक नेप्से घटेको छ । व्यापार, उत्पादन,
म्युचुअलको फन्ड, अन्य र लगानी समूह
बाहेक सबै समूहको शेयर घटेपछि नेप्से ११ दशमलव ७८ अङ्कले घटेर दुई हजार आठ सय २२
दशमलव ७३ विन्दुमा पुगेको छ ।
त्यसैगरी, बैंकिङ समूहको ७, विकास बैंक
समूहको १ सय २, जलविद्युतको ५३, फाइनान्सको
५७, माइक्रोफाइनान्सको ३४, जीवन बीमा
समूहको १ सय ३६ र निर्जीवन बीमा समूहको शेयर एक सय ५६ अङ्कले घटेको छ ।
आज दुई सय २४ कम्पनीका एक करोड ६३ लाख
कित्ता शेयर चार अर्ब ५८ करोड रुपैयाँमा कारोबार भएको छ।
नेप्सेका अनुसार आज दुई कम्पनीको शेयर
मूल्यमा उच्च वृद्धि भएको छ । शेयर मूल्य बढ्ने कम्पनीहरूमा विशाल बजार कम्पनी र
हिमालयन डिस्ट्रिलरी रहेका छन् ।
त्यस्तै, आज गुराँस फाइनान्स कम्पनीका लगानीकर्ताले सर्वाधिक
गुमाएका छन् भने कारोबारको आधारमा आज सबैभन्दा बढी कारोबार हिमालयन डिस्ट्रिलरीको
भएको छ ।
