काठमाडौँ/ अमेरिकी राष्ट्रपति जो बाइडेन र रूसी राष्ट्रपति भ्लादमिर पुटिनबीच भेटवार्ता भएको छ । बाइडेनले अमेरिकी राष्ट्रपति बनेपछि पहिलो
पटक बुधबार रूसी समकक्षीसँग स्विट्जरल्यान्डको राजधानी जेनेभामा भेटवार्ता
गरेका हुन्।
वार्ता तीन घण्टासम्म चलेको र आफूहरुले थप समय नचाहेको बताउँदै बाइडेनले
रुससँगको सम्बन्ध सुधार्न इमान्दार प्रयत्न भैरहेको समेत बताएका छन् ।
उनले पुटिनसँगको वार्तामा आफूले मतभेदका विषयलाई
शान्तपूर्वक प्रस्तुत गरेको र रुसले अमेरिकसँग शीतयुद्ध नचाहेको बताएका छन् । बाइडेनले पुटिनसँग साइबर
सुरक्षाका बारेमा कुरा गरेका छन् ।
टेक्सासमा
अमेरिकी पेट्रोलियम पाइपलाइनको वितरण प्रणाली र रूसको स्वास्थ्य प्रणालीमा भएको
साइबर आक्रमणप्रति इसारा गर्दै पुटिनले दुवै देशका लागि ‘साइबर स्पेस’ असाधारण रूपले महत्त्वपूर्ण
भएको बताए ।
रूसमा
भएको आक्रमणबारे उनले भने, ‘मलाई लाग्दैन कि अमेरिकी प्रशासन यस कुरामा विशेष रूपले चासो
राख्दछ । उ केवल आक्षेप मात्रै लगाइरहेको हुन्छ । हामीलाई विशेषज्ञसँग परामर्श
गर्नु आवश्यक छ ।’
त्यसैगरी
उनले आर्कटिक क्षेत्रमा रूसी सैन्यीकरणलाई लिएर अमेरिकाले देखाएको चिन्ता पनि
निराधार भएको बताए । परमाणु स्थिरताका बारेमा बाइडेनसँगको वार्तामा चर्चा भएको र
आगामी दिनमा ‘न्यु
स्टार्ट आर्म्स कन्ट्रोल’ सम्झौतामा
परिवर्तन गर्ने कुरामा विचार गर्ने पनि पुटिनको भनाइ थियो ।
रूसी
राष्ट्रपति पुटिनले बाइडेन डोनाल्ड ट्रम्पभन्दा धेरै फरक भएको बताएका छन् उनी अनुभवी राजनेता भएको र आफूहरुले उस्तै भाषा प्रयोग गरेर
बोलेको भन्दै प्रशंसा गरेका छन् । कुराकानीमा उनले दुवै देशले निष्कासन गरेका कूटनीतिज्ञलाई
फिर्ता बोलाउने सहमति भएको पनि जानकारी दिएका छन् । सन् २०२० को
अमेरिकाको राष्ट्रपतिय चुनावमा रुसले हस्तक्षेप गरेको भन्दै चलेको आरोप
प्रत्यारोपपछि दुबैले राजदूत फिर्ता गरेका थिए ।
