काठमाडौँ / जनता समाजवादी पार्टी (जसपा)को उपेन्द्र यादव पक्षले पार्टीका अर्का अध्यक्ष महन्थ ठाकुरसहित चारजना नेतालाई पार्टीबाट निष्कासन गरेको छ ।
पार्टीको कार्यकारिणी समितिको बैठकले चार नेतालाई निष्कासन गर्ने निर्णय गरेको नेता मोहम्मद इस्तियाक राइले जानकारी दिए । निष्कासित हुनेमा महन्थ ठाकुर, राजेन्द्र महतो, सर्वेन्द्रनाथ शुक्ल र लक्ष्मणलाल कर्ण छन् । निष्कासितबारे यादव पक्षले निर्वाचन आयोगलाई पनि जानकारी गराइसकेको बताइएको छ ।
यसअघि यादवले ठाकुर, महतो, कर्ण, शुक्ललाई २४ घण्टे अल्टिमेटमसहित स्पष्टीकरण दिन जेठ १५ गते पत्र पठाएका थिए । तर, तीन दिन बित्दासम्म स्पष्टीकरणको जवाफ नआएपछि कारबाही गरिएको हो ।
