काठमाडौं / केपी शर्मा ओलीले आज तेस्रोपटक प्रधानमन्त्रीको सपथ लिँदैछन् । राष्ट्रपति कार्यालय शितल निवासमा ओलीको सपथको सबै तयारी पूरा भइसकेको छ । अहिले दिउँसो साढे २ बजे ओलीले राष्ट्रपति विद्यादेवी भण्डारीबाट सपथ लिँदैछन् ।
स्रोतका अनुसार प्रधानमन्त्री ओलीले आफ्नो क्याबिनेटमा पुरानै मन्त्रीहरुलाई पनि सपथ खुवाउने तयारी गरेका छन् । यसअघि नयाँ मन्त्रिपरिषद विस्तार गर्ने भनिएपनि जसपा सरकारमा नआएसम्म पुरानै मन्त्रिपरिषदलाई निरन्तरता दिने बताइएको छ ।
प्रधानमन्त्री ओलीले सांसद नरहेका पूर्वमाओवादी नेताहरूलाई पनि फेरि मन्त्रीको सपथ खुवाउन लागेका छन् । माओवादी त्यागेर गएका एक मन्त्रीले आफू फेरि सपथ खान जान लागेको बताएका छन् ।
