उदयपुर । प्रहरीले बुधबार दिउसो उदयपुरबाट २ जना र मोरङबाट १ जनालाई लागुऔषध सहित पक्राउ गरेको छ । पक्राउ पर्नेमा उदयपुर त्रियुगा –३ भुल्केका ३७ बर्षीय सहिद मियाँ, उदयपुर बेल –७ का ४० बर्षीय हस्त बहादुर राई र मोरङको लेटाङ– ५ का २४ बर्षीय प्रदिप राईलाई रहेका छन् ।
हिद मियाँलाई नाइट्राजिपाम १५१ ट्याब्लेट, ८० ट्याब्लेट, डाईलेक्स डिसी ६ बोतल, नोफिन १५ एम्पुल, डाईजेपाम १७ एम्पुल, फेनारगन १२ एम्पुल सहित पक्राउ गरिएको छ भने हस्त बहादुर राईलाई ६९०ग्राम लागुऔषध गाँजा सहित पक्राउ गरिएको जिल्ला प्रहरी कार्यालय उदयपुरले जनाएको छ ।
त्यस्तै मोरङको लेटाङ– ५ स्थितबाट लागुऔषध नियन्त्रण ब्युरो विराटनगरबाट खटिएको प्रहरी टोलीले एभिल–१० एम्पुल, लुपिजेसिक–१० एम्पुल, डाईजोलयाप–१० एम्पुल, फेनारगन–९ एम्पुल सहित प्रदिप राईलाई पक्राउ गरिएको ईलाका प्रहरी कार्यालय रानीले जनाएको छ । पक्राउ परेका माथि थप अनुसान्धान भईरहेको सो कार्यालयले जनाएको छ ।
