मोरङ / मोरङको सुन्दरहरैचा नगरपालिका– १० बाट लागुऔषध सहित ५ जना पक्राउ गरिएको छ ।
सोमबार राती ईलाका प्रहरी कार्यालय बिराटचौकबाट खटिएको प्रहरी टोलीले सोही स्थान बस्ने ३४ बर्षीय केशब तामाङको कोठाबाट डाईजोल्याप थान–१०, लुपिजेसिक थान–७, एभिल थान–१३ र गाँजा २०० ग्राम फेला पारेको ईलाका प्रहरी कार्यालय बेलबारीले बताएको छ ।
प्रहरीले तामाङको घरमा लागुऔषध बिक्रि–बितरण तथा सेवन गर्ने गरेको गोप्य सुचनाको आधारमा तामाङ सहित सोही स्थानका २० बर्षीय एलिस खड्का, १९ बर्षीय सरन मगर, २० बर्षीय राजेश मग्राती र १८ बर्षीय संजिब मगरलाई समेत पक्राउ गरेको छ ।
पक्राउ परेका पाँचजनालाई हिरासतमा राखिएको र थप अनुसन्धान भईरहेको ईलाका प्रहरी कार्यालय बेलबारीले जनाएको छ ।
