धनकुटा / धनकुटामा टयाक्टरको ठक्करबाट एक जनाको मृत्यु भएको छ । धनकुटाको सहिदभुमी गाउपालिका –७ चाम्चा बस्ने ५० बर्षीया मन कुमारी राईको बाटोमा हिँडिरहेको बेला ट्याक्टरको ठक्करबाट मृत्यु भएको हो ।
आज दिउसो ११ बजे ना५त १९७१ नम्बरको ट्याक्टरले पैदल यात्री राईलाई ठक्कर दिदाँ मनकुमारी राईको घटनास्थलमानै मृत्यु भएको जिल्ला प्रहरी कार्यालय धनकुटाले बताएको छ ।
ठक्कर दिने ट्याक्टरलाई प्रहरीको नियन्त्रणमा लिएको छ भने चालक हरि बहादुर राई फरार रहेको र खोजतलास भईरहेको जिल्ला प्रहरी कार्यालयले जनाएको छ ।
